O‘zbekiston respublikasi oliy va o‘rta maxsus ta‘lim vazirligi abu ali ibn sino nomidagi buxoro davlat tibbiyot instituti

Diagnostikasi:
Epilepsiyaga shubha tug‘ilsa kompleksli tekshirish o‘tkazish 
kerak. Birinchi navbatda to‘liq kasallik va hayot anamnezi yig‘iladi. Bunda nafaqat 
bemordan, balki uning qarindoshlari, qo‘shnilari, tanshi-bilishlaridan so‘rab-
surishtiriladi. Shuni esda tutish kerakki, bemor epilepsiya diagnostikasi uchun muhim 
bo‘lgan faktlarni bilmasligi yoki eslay olmasligi mumkin. Shu bilan birga bunday 
bemorlarda xotira pasayishi kuzatiladi.
MNSni boshqa kasalliklari, shu jumladan infeksion kasalliklar ham (meningit, 
ensefalit va b.) hisobga olinadi. Kasallik kechishida bemor xarakteri va xulqidagi 
o‘zgarishlarga e‘tibor beriladi. Keyin chuqur nevrologik tekshirish o‘tkazilib, nerv 
sistemasini umummiya va lokal shikastlanish simptomlari aniqlanadi.
Epilepsiya diagnostikasida EEG tekshiruv muhim ahamiyatga ega. Epilepsiya 
uchun ―pik-to‘lqin‖ komplekslari eng tipik EEG-fenomen hisoblanadi.
Elektroensefalografiya o‘tkazishda provokatsiya usullaridan foydalaniladi, 
qachonki fon yozuvida yuqorida aytilgan komplekslar kuzatilmasa: epilepsiyali 
bemorlarda deyarli hamma vaqt giperventilyatsiya (chuqur nafas olish) qo‘llaniladi; 
qisqa ta‘sirli uyqu dorilari beriladi (odatda «pik-to‘lqinlar» uyquga ketayotganda yoki 
uyg‘onayotganda nisbatan ko‘proq va aniqroq qayd qilinadi) ba‘zi hollarda uyqu 
deprivatsiyasi (uxlamaslik) qo‘llaniladi. Bemor 1 kun va undan ko‘p uxlamaydi EEG-
tekshiruv oldidan. Bu usul ham epilepsiyaga xos bo‘lgan omillarni aniqlash 
imkoniyatini oshiradi.
Oxirgi yillarda epilepsiya diagnostikasida rentgenografiyaga nisbatan yuqori 
diagnostik imkoniyatga ega bo‘lgan KT va MRT katta ahamiyat kasb etmoqda. Shu 
bilan birga tashxisni aniqlash uchun kalla suyagi rentgenografiyasidan foydalaniyapti.
Ko‘z tubini tekshirish zarurdir. Zarurat bo‘lganda lyumbal punksiya bajariladi 
(bosh miya o‘smalari, meningit va b. istisno qilishi maqsadida). Ko‘rsatmalar 
bo‘yicha boshqa soha (terapevt, LOR, xirurg va b.) shifokorlarning malahatlaridan 
foydalaniladi.