O‘zbekiston respublikasi oliy va o‘rta maxsus ta‘lim

Bitiruv malakaviy ishining obyekti O‘zbekiston va Yevropa Ittifoqi mamlakatlari tashqi iqtisodiy faoliyati, ishning predmeti esa, O‘zbekiston va Yevropa Ittifoqi savdo iqtisodiy aloqalarining asosiy yo‘nalishlari hisoblanadi.
Bitiruv malakaviy ishining nazariy-uslubiy asosi bo‘lib, O‘zbekistonning jahon hamjamiyatida tutgan o‘rni, xususan, Yevropa Ittifoqi bilan o‘zaro savdo- iqtisodiy aloqalari bo‘yicha nashr qilingan ilmiy-uslubiy, konseptual va monografik adabiyotlar, jumladan, O‘zbekiston Respublikasi Prezidenti I.A.Karimovning asarlarida ilgari surilgan g‘oyalar, yirik iqtisodchi-olimlar tomonidan yaratilgan ilmiy yondashuvlar xizmat qildi. Shuningdek, tadqiqot davomida O‘zbekiston Respublikasi Prezidenti farmonlari, Oliy Majlis tomonidan qabul qilingan qonunlar, Vazirlar Mahkamasining qarorlari, tashqi savdo bo‘yicha statistik, tahliliy materiallaridan va boshqa meyoriy hujjatlardan keng foydalanildi. Bitiruv malakaviy ishining metodlari. Bitiruv malakaviy ishini yozish davomida meyoriy, taqqoslash, guruhlash, analiz va sintez, hisob-konstruktiv va
boshqa usullar qo‘llanildi.
Bitiruv malakaviy ishining axborot bazasi sifatida O‘zbekiston Respublikasi Davlat statistika qo‘mitasi, MDH mamlakatlar bo‘yicha statistik materiallar, O‘zbekiston Respublikasi Iqtisodiyot Vazirligi, O‘zbekiston Respublikasi Tashqi iqtisodiy aloqalar, investitsiyalar va savdo vazirligi, O‘zbekiston Respublikasi Tashqi Ishlar Vazirligi, O‘zbekiston Respublikasi Moliya Vazirligi ma‘lumotlaridan foydalanildi.
Ishning natijalari. Bitiruv malakaviy ishining natijalari va ahamiyati quyidagilarda o‘z aksini topadi:

• 
  mamlakatlar o‘rtasidagi o‘zaro savdo-iqtisodiy aloqalarning nazariy jihatlariga to‘xtalib, xususan, savdo-iqtisodiy aloqalarning tasnifi va tavsifi ko‘rsatib berildi;
  
• 
  tashqi savdo siyosati va strategiyasining ahamiyati ko‘rsatib berildi;
  
• 
  tashqi savdo-iqtisodiy munosabatlarni tartibga solish usullari ko‘rsatib berildi;
  
• 
  O‘zbekiston va YI savdo-iqtisodiy aloqalarining tashkiliy huquqiy asoslari ko‘rsatib berildi;
  
• 
  O‘zbekiston va YI savdo aylanmasining o‘zgarish tahlili natijalari aniqlandi;
  
• 
  O‘zbekiston va YI savdo-iqtisodiy aloqalarini rivojlantirish yo‘nalishlari imkoniyatlarini aniqlandi.