Oʻzbekiston respublikasi oliy va oʻrta maxsus ta’lim

2022 yilda soliq siyosatida o‘zgarishlari

QQS to‘lovchi korxonalar toifasi kengayadi, xususiy kompaniyalarga yer qa'ridan foydalanganlik uchun soliq stavkasi pasaytiriladi, benzin uchun yagona soliq stavkasi belgilanadi. Undan soliq siyosatida, har bir soliq turi bo‘yicha o‘zgarishlar ham joy olgan.

Qo‘shilgan qiymat solig‘i

Amaldagi soliq stavkasi 15 foiz miqdorida saqlab qolinadi.

Tushum hajmidan qat'i nazar quyidagilar hisobiga QQS to‘lovchi korxonalar toifasi kengaytiriladi:

• 
  sug‘oriladigan yerlari 25 gektardan ortiq bo‘lgan fermer xo‘jaliklari;
  

• 
  soliq maslahatchilari tashkilotlari va auditorlik tashkilotlari;
  

• 
  notijorat, shu jumladan budjet tashkilotlari.
  

QQS bo‘yicha qanday imtiyozlar bekor bo‘ladi?

Soliq kodeksi bilan berilgan jismoniy tarbiya va sport tashkilotlari xizmatlari (bundan budjetdan moliyalashtiriladigan mustasno), shuningdek, sport inshootlari, ommaviy-madaniy tadbirlarni tashkil etishdan daromadlar qismida hamda qat'iy ko‘rsatiladigan bank xizmatlari qo‘shilgan qiymat solig‘i bo‘yicha imtiyozlar bekor qilinadi.

Aksiz solig‘i

Aksiz solig‘i stavkalari 2022 yil 1 iyundan o‘rtacha 10 foizga indeksatsiya qilinadi. (Qat'iy stavkalar har yili indeksatsiya qilinadi (inflatsiya indeksiga)

Aksiz bo‘yicha asosiy o‘zgarishlar:

• 
  Tamaki mahsulotlari importiga aksiz solig‘i stavkasi 2022 yil 1 yanvardan 10 foizga;
  

• 
  Alkogol mahsulotlari importiga 2022 yil 1 iyundan 10 foizga;
  

• 
  2022 yil 1 yanvardan alohida turdagi tamaki mahsulotlariga (chilim uchun tamaki, chekiladigan, o‘rama tamaki, qizdiriladigan tamaki, nikotinli tamakisiz snyus, tarkibida nikotin mavjud bo‘lgan suyuqlik) importiga aksiz solig‘i stavkasi 10 foizga indeksatsiya qilinadi;
  
• 
  Respublikada ishlab chiqarilgan va import qilingan benzin uchun yagona soliq stavkasi belgilanadi;
  
• 
  Suyultirilgan gazga aksiz solig‘i stavkasi bekor qilinadi (amalda 30 foiz);
  

• 
  Polietilen granulalariga aksiz solig‘i stavkasi 20 foizdan 10 foizgacha pasaytirilishi belgilanadi;
  
• 
  Polietilen granulalar importida ham aksiz solig‘i joriy qilinadi.