O`zbekiston respublikasi oliy va o`rta maxsus ta`lim

Tayanch iboralar va tushunchalar

1. 
   Sport tibbiyotining maqsadi va vazifalari.
   
2. 
   Bolalar va o`smirlarning turli yosh davrlari.
   
3. 
   Sport tibbiyotining rivojlanishini qadimgi davri.
   
4. 
   Sport tibbiyotining rivojlanishida Ibn Sinoni tutgan o`rni.
   
5. 
   Sport tibbiyotini rivojlanish davrlari.
   

Sport tibbiyotining predmeti va vazifalari

Sport tibbiyoti tibbiyot fanining bir tarmog’i bo`lib, o`ziga xos metodlari, vazifalari va xususiyatlariga ega. Sport tibbiyotining asosiy vazifalari quyidagilardan iborat:

1. 
   Jismoniy tarbiya va sport bilan shug’ullanuvchi kishilar sog’ligi ustida muntazam tibbiy nazoratni o`rnatish va olib borish; Trenerovkani tuzishda sportchilarning shaxsiy xususiyatlariga qarab trenerlarga ko`maklashish.
   
2. 
   Jismoniy tarbiya va sport bilan shug’ullanuvchilarning salomatligini. funktsional holatini va shu bilan birga jismoniy mashg’ulotlar noto`g’ri uyushtirishi oqibatida salomatligida yuz beradigan xar xil noxush o`zgarishlarni erta aniqlashda qo`llanadigan meditsina tekshirish metodlarini takomillashtirish. yangi mukammal usullarni ishlab chiqish va sport tibbiyoti amaliyotiga joriy etish;
   
3. 
   Jismoniy tarbiya va sport mashg’ulotlari bilan shug’ullanuvchilarning kasallanish va shikastlanishining sabablarini o`rganish ularni davolash va oldini olish (profilaktika) chora tadbirlari olib borish.
   

Bu vazifalar O`zbyokiston jismoniy tarbiya xarakatining sog’lomlashtirish qoidalariga va Vatanimiz tibbiyotining profilaktika yo`nalishiga to`la ravishda mos bo`lgan sport tibbiyotining mazmunini belgilab beradi.

Sport tibbiyotining asosiy ish turlari quyidagilardir;

• 
  jismoniy tarbiya va sport bilan shug’ullanuvchi kishilarni tibbiy ko`rikdan o`tkazish;
  
• 
  etakchi sportchilarni dispanser kuzatuviga olish (dispanserizatsiya qilish);
  
• 
  vrach-pedagog nazoratini olib borish, jismoniy tarbiya va sport bilan shug’ullanish jarayonida sportchilarning salomatligini mustaxkamlashda sog’lomlashtirish. davolash va profilaktika chora tadbirlarini tashqil qilish;
  
• 
  jismoniy tarbiya va sport mashg’ulotlari uchun ajratilgan joylar, shuningdek, musobaqalar o`tkaziladigan joylar sharoiti ustidan shu jumladan sport inshootlari ustidan sanitariya gigiena jixatidan nazorat qilish;
  
• 
  sport musobaqalarini o`tkazishda tibbiy xizmat ko`rsatish;
  
• 
  jismoniy tarbiya-sog’lomlashtirish ishlarining ommaviy turlarini o`tkazishda tibbiy xizmat ko`rsatish;
  
• 
  sport jarohatini oldini olish;
  
• 
  ilmiy-tekshirish va metodik ishlarni olib borish;
  
• 
  tibbiyot va sportga oid masalalar bo`yicha konsultatsiyalar berish;
  
• 
  sportchilar o`rtasida sanitariya-okartuv ishlarini olib borish va keng omma orasida jismoniy tarbiyaning umumiy g’oyalarini targ’ibot qilishga doir tashviqot ishlarini amalga oshirish.