O‘zbеkistоn rеspublikаsi оliy vа o‘rtа mахsus

Personal karyerasini rejalashtirish va rivojlantirish

Personal karyerasini rejalashtirish va rivojlantirishni boshqarish — kompaniya yoki firma ichki ehtiyojlariga muvofiq holda xodim salohiyatlari va umidlarini hisobga olgan holda uning lavozimda yoki kasb vazifasida o‘sishini shakllantirishga aniq maqsadni ko‘zlagan holda ta’sir o‘tkazish jarayonidir (6- rasm).<sup>73


73</sup> A.Хайитов. “Инсон ресурсларини бошқариш” фани бўйича ўқув-услубий мажмуа.-Тошкент: Иқтисодиёт, 2018 йил, 236-бет.




Korxonaning kasbiy tajribaga bo’lgan ehtiyoji va bu ehtiyojni amalga oshirish imkoniyati




Personal kasbiy tajribasini tahlil qilish

Korxonaning karyera strategiyasini ishlab chiqish va bu to’g’risida qaror qabul qilish

Korxona tizimining personal kasbiy tajribasiga ehtiyojini tahlil qilish
11.2.1-rasm. Korxona personali karyerasini rejalashtirish


Personal karyerasini boshqarish quyidagi maqsadlarni ko‘zlaydi:
—korxonaning izchil menejmentiga ichki ehtiyojlarini qondirishni ta’minlash;
—personal o‘zi erishishga qodir bo‘lgan muayyan mas’uliyat darajasiga etishi uchun uni o‘qitish hamda tajriba egallashini izchil ta’minlash;
—muayyan salohiyatga ega personalning bu salohiyatlarini muvaffaqiyatli ishga solishlari — intilishlari, iste’dodlari va qat’iyatlarini hisobga olib, karyeralarini rivojlantirishga imkoniyat yaratib berish.
Karyerani boshqarishni oqilona tashkil etish natijasida quyidagilar ta’minlanadi:
—yuqori malakali mutaxassislarni ishga jalb etish uchun keng imkoniyatlar;
—yuqori malakali mutaxassislarning xizmat vazifalari va lavozimda o‘sishlari ta’minlanganligidan qoniqish hosil qilishlari natijasida ular o‘rtasida qo‘nimsizlikni kamaytirish;
—personal bilan korxona faoliyati muvofikdashtirilishi natijasida mehnat unumdorligining o‘sishi.
Karyera dinamikasi (7- rasm) xodimning korxona yoki tashkilot xizmat vazifalari, lavozimlari pillapoyalaridan bosqichma-bosqich ko‘tarilishini, bu dinamika sur’atini ifodalaydi. Bunda xizmat vazifasi va

lavozimga ko‘nikish hamda uni egallash uchun odatda uch yil talab qilinishi mezon sifatida belgilab qo‘yiladi. Personal xizmat vazifasi yoki lavozimda besh yil bo‘lganidan so‘ng esa uning mehnat faoliyati samaradorligida pasayish kuzatiladi. Shuning uchun dinamik karyera deyilganda xodim, aksariyat hollarda xar bir xizmat vazifasi yoki lavozimda 3—5 yil davomida bo‘lishi tushuniladi.

Yuqori karyera
O’rta karyera
Quyi karyera

25 30 40 50 ⁶⁰