O'zbekiston respublikasi oliy va orta mahsus ta’lim vazirligi

Spora hosil qiluvchi bakteriyalarni yig‘ma kulturasini olish. Bu kulturalar dastlab pasterizasiya qilingan substratlardan olinadi. Bacillus subtilisning yig‘ma kulturasi uchun maydalab qirqilgan pichan ustiga 40 Cgacha isitilgan suv quyib, keyin 10-15 minut qaynatiladi. 2-3 kundan keyin substrat yuzasida akasiya hidi anqib turadigan kulrang-ko‘k plyonka hosil bo‘ladi. U B. subtilis tayoqchalaridan tashkil topgan bo‘ladi.
Moy kislota xosil qiluvchi bakteriyalarningyig‘ma kulturasini olish. Buning uchun bor(mel) qo‘shilgan va sterillangan kartoshkali muhitdan foydalaniladi. Muhitni probirkalarga 10 mldan yoki 100 mlli kolbachalarga 80 mldan quyib oquvchan bug‘da yoki avtoklavda 0,05 Mpa da sterillanadi. Ekishdan oldin muhitni albatta 20-30 minut qaynatib, keyin tezda suv bilan sovitiladi. Boshlang‘ich materialni sterillangan suvda ishqalab, probirkalarga 1-2 mldan yoki kolbalarga 8­10 mldan ekiladi. Bulardan tashqari, shakarning 10% li eritmasi to‘latilgan va tubida bo‘r cho‘kmasi bo‘lgan ingichka uzun bo‘yinli kolbaga ham ekish mumkin. Muhitga kichik bo‘lak aynigan pishloq qo‘shiladi. Moy kislota hosil qiluvchi bakteriyalarning yig‘ma kulturasini olishning oddiy (sodda) usuli quyidagicha: uzun bo‘yinli kolbaga po‘chog‘i archilmagan kartoshkadan bir necha bo‘lak solib, ustiga suvquyiladi va 80⁰C da 10 minut pasterilanadi, shundan keyin termostatga 37⁰C issiqqa qo‘yiladi. 1-2 kundan keyin mikroskopda qaralganda suyuqlikda spora hosil qiluvchi juda ko‘p tayoqchalar borligini ko‘rish mumkin.