1-босқич. Ёш ота-оналарга фарзанд ва унинг тарбияси ҳақида фалсафий, тиббий тушунчаларни бериш ва бу масалаларга тиббиёт ходимлари, обрўли хотин-қизларни, ота-оналарни жалб қилиб, “Ёш оналар ва оталар мактаблари” фаолиятини йўлга қўйиш муҳим аҳамият касб этади.
2-босқич. Фарзанднинг мактабгача бўлган давридаги жисмоний, ақлий ва маънавий ривожланишини таъминлаш борасида уларга расм чизиш, воқеаларни баён қилиш, ўзига ўзи хизмат қилиш, ҳарф таниш, қўшиқ айтиш ва рақс тушиш, турли ўйинларда онгли қатнашиш тушунчаларини сингдириш ва мустақил равишда билим олиш кўникмаларини шакллантириш юзасидан мактабга тайёрлаш гуруҳлари, “Якшанбалик мактаблар” ишини ташкил қилиш.
3-босқич. Кичик ёшдаги (6-11 ёш) мактаб даврида болаларнинг жисмоний, маънавий ва ижтимоий шаклланишини таъминлаш, унинг илк иқтидори, қизиқиши ва ақлий имкониятларини аниқлаш, ўз хатги-ҳаракатларига жавобгарлик ҳиссини тарбиялаш, бўш вақтини тўғри ташкил қилишни ўргатиш, атроф-муҳитга онгли муносабатда бўлиб, дўстлик, байналмилаллик, ватанпарварлик хислатларини шакллантириш.
4-босқич. Ўсмирларнинг (11-16 ёш) қизиқишини, билимга чанқоқлик ва акл заковатини ҳисобга олган ҳолда ижтимоий фаолиятга тортиш, жисмонан бақувват бўлишини таъминлаш, маиший меҳнат фаолияти орқали турли касбларга йўналтириш, ўсмирлар гуруҳлари ва жамоатчилик орасида ўз ўрнини топа олишига кўмаклашиш, ўз хатти-ҳаракатлари учун жамият, қонун ва ота-оналари олдида жавобгарлик туйғусини шакллантириш, ижтимоий фаоллиги ва мустақил дунёқарашини юзага келтириш.
5-босқич. Ёшларни (16 ёш ва ундан юқори) дунё андозаларига мос билим олишлари, касб танлашлари, мустақил ҳаётга тайёргарлиқларини таъминлаш. Уларнинг имкониятлари даражасида таълим олишларига, танлаган касблари бўйича иш билан таъминланишларига, иқтисодий мустақил бўлишларига шарт-шароит яратиш. Ватан, Давлат ва жамият олдидаги фуқаролик бурчларини адо этишга жавобгарлик ҳиссини тўла шакллантириш, мустақил оила қуришга тайёрлаш.
Ўзбекистонда соғлом авлодни тарбиялашда оила-маҳалла-таълим муассасаси ҳамкорлигини таъминлаш самараларининг гаровидир. Бу борада ҳукумат томонидан амалга оширилаётган устивор йўналишлар қуйидагилардан иборатдир:
- оила, маҳалла, таълим муассасалари ҳамкорлигини таъминлашнинг
ҳуқуқий базасини такомиллаштириш, ҳамкорликнинг кучайишига қаратилган услубий таъминотни мустаҳкамлаш;
- оилада ёшлар ва ота-оналарнинг ижтимоий фаоллигини ошириш;
ўқувчи ёшларга таълим бериш, уларни тарбиялаш, иқтидорли ёшларни
қўллаб-қувватлаш, уларни қизиқишлари бўйича касбга йўналтириш;
- ижтимоий ҳимояга муҳтож оилаларни моддий ва
маънавий жиҳатдан қўллаб-қувватлаш;
- вояга етмаган ўсмирлар ва ёшлар ўртасида хуқуқбузарлик ва назоратсизликнинг олдини олиш бўйича профилактик тадбирлар самарадорлигини ошириш;
- ёшлар ўртасида соғлом турмуш тарзини тарғиб қилиш, уларни
жисмоний тарбия ва спорт билан шуғулланишга кенг
жалб этиш орқали соғлом оилага тайёрлаш;
- баркамол авлодни тарбиялашга қаратилган маънавий-маърифий
тадбирларни мазмунан такомиллаштириш, унинг
самарадорлигини ошириш механизмини яратиш;
- соғлом авлодни тарбиялашда оммавий ахборот воситалари ва замонавий ахборот коммуникatsiя техналогияларидан самарали фойдаланиш.
Do'stlaringiz bilan baham: |