O’zbekiston respublikasi oliy va o’rta- maxsus ta’lim vazirligi

Bodom

O‘zbekistonda bodomning yupqa po‘choqli, to‘ng‘ich, yaltinskiy va turkmenskiy svetlo‘y navlari rayonlashtirilgan.
Ekish. Tuproq-iqlim sharyuitiga qarab bodomni ekish sxemasi ham har xil bo‘ladi. Quyida bodomning ekish sxemalari keltirilgan:

1. 
   Sug‘oriladigan yerlarda— 8 x 8 m;
   
2. 
   Tog‘ va tog‘ oldi, lalmikor yerlarda — 6 x 6 m;
   

Bu yerlarning janubga qaragan yonbag‘irlarida esa bodom 5 x 5 sxemasida, erta bahorda yoki kuzda gorizontal terassalar kengligi 1,5—5 m gacha bo‘lgan yerlarda ekiladi.
Sug‘orilmaydigan yerlarda yomg‘ir suvlarining bug‘lanishini kamaytirish, shu tariqa suvning tuproq shimilishini oshirish maqsadida bodom ko‘chatlarining atrofiga boshqa o‘simliklarning qoldiqlari, poxol va somondan mo‘lcha qilib tashlanadi.
Bundan tashqari bodom ko‘chatlarining atrofi muntazam ravishda yumshatilib turiladi.
O‘g‘itlash. Muntazam ravishda bodomzorlarga hosildorlikni oshirish maqsadida 2—3 yilda bir marta har gektar yerga sof holda azotdan 120 kg, fosfordan 90 kg va 40—60 kg dan kaliy o‘g‘iti hamda 20—30 t dan chirigan go‘ng solinadi.
Yangi ekilgan bodom ko‘chatlarining ildiz olish va o‘sishini faollashtirish uchun har bir ko‘chat atrofiga 60—80 g dan ammofos hamda 4— 6 kg dan organik o‘g‘it qo‘llanishi yaxshi samara beradi.
Ma’lumki tog‘li hamda lalmi yerlarda yog‘in suvlari tuproqdagi ozuqa elementlarini yuvib ketishi natijasida ular kuchsizlanib qoladi. SHuning uchun ham bunday yerlarga ekilgan bodom ko‘chatlarini o‘z vaqtida organik va ma’dan o‘g‘itlar bilan oziqlantirib turish zarur.
Bodom ko‘chatlari sekin o‘sayotgan bog‘lar to‘liq hosilga kirgunga qadar har bir kv m ga sof azotdan 6—8 g dan, fosfordan 3—4 g dan, kaliydan 2—3 g dan hamda 4—5 g dan organik o‘g‘it solish tavsiya etiladi.