O’zbekiston respublikasi oliy va o’rta- maxsus ta’lim vazirligi

Parvarish qilish. YOsh bog‘larni 6 martadan 8 martagacha sug‘oriladi. SHag‘alli va qumoq tuproqli yerlar esa bir muncha ko‘proq sug‘oriladi. Iyul va avgust oylarida harorat juda baland, tuproq va havo namligi ancha past bo‘lganligi sababli bodom ko‘chatlarini ikki martadan, aprel, may va iyun, sentabr oylarida esa 1 martadan sug‘oriladi.
Har bir sug‘orishdan so‘ng bodom ko‘chatlarini atrofi o‘toq qilinadi hamda yer yumshatiladi.
Har bir yog‘ingarchilikdan so‘ng lalmi yerlardagi namlikni saqlash maqsadida bodom ekilgan bog‘lardagi yer yumshatiladi.
Bahor va kuz mavsumlarida bodom ko‘chatlarining atrofi chopiladi. Bodom ko‘chatlari hosilga kirgach bog‘larni sug‘orish 3—4 martagacha kamaytiriladi.
Hosilni yig‘ish. Bodom yong‘og‘ini yig‘ib-terib olish davri uning navlarini pishib yetilish muddatlari bilan bog‘liq. Meva qobig‘ining yorilishi mevasining pishib yetilganligidan dalolat beradi. Bodom mevasini daraxt tagiga oldindan to‘shalgan qanorga daraxt shoxlarini yengil silkitib yig‘ib-terib olinadi. Meva qobig‘idan bodom yong‘og‘i darhol ajratib olinadi va 5—6 sm qalinlikda yoyiladi hamda soya joyda shamollatib 8—10 kun davomida quritiladi. Quritilgan bodom yong‘og‘i yog‘och
taxtali yashiklarga joylanadi va quruq shamollatiladigan xonada 2 yilgacha saqlanadi.