O’zbekiston respublikasi oliy va o’rta- maxsus ta’lim vazirligi

Tuproqni limon ko‘chatlarini ekishga tayyorlash.

Limon ekiladigan yerlarni yaxshi tekislab gektar hisobiga 50—60 t chirigan go‘ng, 120 kg superfosfat, va 50—60 kg kaliy o‘g‘iti solib 50—60 sm chuqurlikda haydash lozim. Teplitsada limon 3 x 4 metr sxemada, transheyalarda esa bir qator qilib bir-biridan 3 metr oraliqda o‘tqaziladi. Ko‘chatlarni o‘tqazishdan oldin har bir chuqurchaga 10 kg dan chirigan go‘ng, 80—100 g superfosfat va 50 g kaliyli o‘g‘itlarni tuproqqa aralashtirib solinadi.
Teplitsalarga ildiz tizimi yaxshi rivojlangan bir yoshli va ikki yoshli ko‘chatlar bahorda yoki kuzda o‘tqaziladi. Kuzda limon ko‘chati yopishgan tuprog‘i bilan o‘tqaziladi. Ko‘chatlarning ildiz bo‘yini tuproq sathidan 2—3 sm yuqori bo‘lishi kerak. Ko‘chat ekilgandan keyin uning atrofi zichlanadi va bir chelakdan suv quyiladi. So‘ngra har bir qatorning ikkala tomonidan 25—30 sm masofada olingan egatlar bo‘ylab sug‘oriladi. Transheyalarga ko‘chat aprel oyida sovuq kunlar o‘tgandan keyin o‘tqaziladi.