O’zbekiston respublikasi oliy va o’rta- maxsus ta’lim vazirligi

Almashlab ekishdagi o‘rni. Ushbu sabzavot o‘simligini yozgi-erta muddatda ertagi, o‘rtagi sabzavot, kartoshka hosili yig‘ishtirib olingandan hamda g‘alladan keyin begona o‘tlar kam bo‘lgan yerlarga ekiladi. Mazkur o‘simlikni almashlab ekishdagi o‘rni va o‘g‘itlash tizimi uning tuproqdagi ozuqa moddalarining ko‘p yoki kam bo‘lishi va begona o‘tlarga bo‘lgan munosabatiga qarab belgilanadi.
O‘g‘itlash va gerbitsidlar qo‘llash. Bo‘z tuproqli yerlarda har gektar dalaga azotdan 200 kg, fosfordan 150 kg va kaliydan 75 kg dan solinadi. O‘tloqi tuproqda esa azotdan 160 kg, fosfordan 160 kg va kaliydan har gektar maydonga 75 kg dan solinadi. Piyoz o‘stirishda organik o‘g‘it berish maqsadga muvofiq emas.
Piyoz ekiladigan maydonlarga bir yillik begona o‘tlarga qarshi kurashish maqsadida treflon gerbitsididan 8—6 sm chuqurlikka bir gektar maydonga 1,0—1,5 kg solinadi yoki piyoz ekilgandan keyin har gektar maydonga daktaldan 12 kg sepiladi.
Piyoz ekish. O‘rta Osiyoning boshqa mamlakatlari kabi O‘zbekistonda ham piyoz erta bahor, yoz va kuzda, ya’ni uchta muddatda ekiladi.
Joyning geografik kengligi va ob-havo sharoitini hisobga olgan holda fevral oyining oxiri va martda ekiladi.
Piyozni kech kuzda, ya’ni noyabr oyining oxiri va dekabr boshlarida ekilganda ham yuqori va sifatli hosil olish mumkin deb hisoblanadi.
Avgust va sentyabrning boshlarida piyoz urug‘i yoz-kuzgi qilib sepiladi. Piyozni yoz-kuzgi qilib ekilganda uning hosili kelasi yilning
iyuli va avgustining birinchi yarmida piyoz boshlari yirik holda lenta shaklida ko‘sh qatorlab yoki uch qator qilib muddatdan bir oy oldin yetiladi.
Piyoz urug‘larini SON-2,8, SKON 4,2 yoki SMM-4 rusumli seyalkalarida yengil tuproqli yerlarda 2—3 sm, og‘ir tuproqli yerlarda esa 1— 2 sm chuqurlikda ekiladi.
Bunda lentalarning oralig‘i 50—60 sm va lentadagi qatorlar orasi esa 15—20 sm ga (50+20/2 yoki 40+15+15/3) teng bo‘lishi kerak.
Piyoz urug‘ini ko‘p qatorli qilib sochma usulda ekilganda har gektarga 18—20 kg, lenta usulida ikki qatorli qilib ekilganda esa 10—12 kg urug‘ sarflanadi.