O’zbekiston respublikasi oliy va o’rta- maxsus ta’lim vazirligi

Piyozni parvarish qilish. Iyul va avgustning boshlarida ekilgan urug‘larni parvarish qilish unga urug‘ suvi berishdan boshlanadi. So‘ngra urug‘lar qiyg‘os unib chiqqunga qadar har 3—4 kunda ularni sug‘orib boriladi.
Bahorda ekilgan urug‘lar asosan yomg‘ir suvi hisobiga undirib olinadi. Biroq yomg‘irdan keyin qatqaloq hosil bo‘lib ular piyoz urug‘i yoki nihollariga ko‘p qiyinchiliklar tug‘diradi. Bunday holatda qatqaloqni urug‘ suvi berish usuli yordamida yumshatiladi.
Bahorda ekilgan piyoz urug‘lari 2—3 hafta o‘tgach, yozda ekilganlari esa ulardan ko‘ra ertaroq ya’ni 7—10 kunda unib chiqadi.
Piyoz nihollari unib chiqqandan so‘ng o‘toq va yagana qilish tadbirlari amalga oshiriladi.
Begona o‘tlarga qarshi kurashish maqsadida quyidagi gerbitsidlar qo‘llaniladi:

1. 
   Nihollar unib chiqqunga qadar xlor NFK gerbitsidlari (1 gektarga 40% emulsiya konsentrati 10—15 kg preparati) qo‘llaniladi.
   
2. 
   Nihollarning bo‘yi 6—8 sm bo‘lganda har gektarga 260—350 kg kalsiy tsionamid sepiladi. Bunday holatdagi ko‘k piyozni iste’mol qilish mumkin emas.
   
3. 
   Urug‘lar unib chiqqunga qadar bir yillik bir va ikki pallali begona o‘tlarga qarshi har gektar maydonga 15—24 kg miqdorida Daktal (50% li namlangan kukun) gerbitsidi ishlatiladi.
   

Bahorda ekilgan piyozni aprel va may oyining boshlarida nihollarning balandligi 15—20 sm ga yetgach o‘simliklar oralig‘ida 7—8 sm dan masofa qoldirib ikkinchi yagana o‘tkaziladi.
Piyozni vegetatsiya davomida 4—5 marta KRN-4,2 kultivatori yordamida 15—16 sm chuqurlikda kultivatsiya qilinadi va o‘simlik atrofidagi hamda qatorlar orasidagi tuproqni 1—2 marta chopiq qilib yumshatiladi.
Piyoz urug‘larning unib chiqish va piyoz boshi shakllanayotgan vaqtida namlikni ko‘p talab qiladi.
SHuning uchun ham iyul va avgustda ekilgan piyoz kuzdayoq kech kuz va bahorda ekilganlari esa apreldan boshlab bahorgi yog‘ingarchilik to‘xtagandan keyin sug‘orila boshlanadi.
YErosti suvi yer sathidan 1—2 m chuqurlikda joylashgan dalalarni 7— 9, yerosti suvi chuqur joylashgan dalalarni 12—13 marta sug‘oriladi. Har sug‘orishda gektariga 400—500 kg hisobida suv beriladi.