O`zbekiston respublikasi oliy

mashq. Gaplarni o‘qing. Mustaqil, yordamchi so‘z va alohida olingan so‘zlarni aniqlab, to‘liq morfologik tahlil qiling.

1. Osmon ko‘m-ko‘k. Unda-bunda suzib yurgan oq bulut parchalari go‘yo qishdan qolgan xiralik g‘uborni artib yuborganday. (A.Q.) 2. Madrasa talabalari orasida hatto yigirma-yigirma besh yil mobaynida matonat va ijtihod bilan tahsil qiluvchilar borligini aytdi. (O.) 3. -Qanaqa beg‘am bolasan? Ertaga to‘y bo‘lsa-yu, bu tentak allaqayoqlarda daydib yursa. (S. A.) 4. – Gapiring tezroq nima demoqchisiz? – dedi u hansirash bilan. (Ch.) 5. Kishining boshiga tushgan kulfat nechog‘lik og‘ir bo‘lmasin, uni sabru, toqat va iroda bilan yengish mumkin. (O.Y.) 6. Biror kasbni chin yurakdan sevib qolsang, uning mashaqqatlari jonga huzur bag‘ishlarkan. (X.T.) 7. Avvalo qishning sovuq nafasi seziladi. So‘ng tog‘larning, uning etagidagi qishloqlarning aybini berkitmoqchi bo‘lganday qor yog‘a boshladi. (T.M.) 8. E, peshonam buncha sho‘r bo‘lmasa? Qaysi gunohlarim uchun menga bunchalik jazo! (M.) 9. ... orqa tarafdagi tut barglari shitir-shitir qimirlab, yer ostidan chiqqandek kutilmaganda Muhammad aka paydo bo‘ldi. U ariqdan gup etib sakrab o‘tdi-da, bosvoldini avaylab yerga qo‘ydi. (O‘.U.) 10. Mashina keng yo‘lga chiqdi-yu, yo‘lda tuyaday ko‘ndalang cho‘kib yotgan qumlarga duch kelib, yurishi sekinlashdi. (Sh.R.) 11. Rangli bo‘yoqlar bilan ishlangan mo‘jazgina suratdagi go‘zal qiz shu payt unga tirik bir odam bo‘lib ko‘rinadi. (P.Q.)