O’zbekiston respublikasi navoiy kon-metallurgiya kombinati

Nazorat uchun savollar

1. 
   Molibdenning qanaqa minerallari yengil (oson) boyitiladi?
   
2. 
   Molibden rudalari qanaqa fabrikalarda boyitiladi?
   
3. 
   Bu rudalarni boyitishning texnologik tartibi (rejimi) qanaqa?
   
4. 
   Molibden rudalarini boyitishning flotatsiya rejimi qanaqa?
   
5. 
   Bo`tananing zichligi flotatsiya jarayoniga qanday ta`sir qiladi?
   
6. 
   Qo`llaniladigan reagentlarning vazifasi va ta`sirini tushuntiring.
   

5 – LABORATORIYA ISHI
Mavzu: Volfram rudalarini flotatsiya usulida boyitish
Ishdan maqsad: Boyitishning optial texnologik ko`rsatkichlariga ega bo`lish uchun volfram rudalarni boyitishning flotatsiya va reagent rejimlarini o`rganish.

Qisqacha nazariy ma’lumot
Asosiy sanoat ahamiyatiga ega bo`lgan volfram minerallari volframit (Fe,Mn)WO<sub>4</sub> va sheelit (CaWO<sub>4</sub>) hisoblanadi.
Ruda tarkibida qo`shimcha minerallar kvarts, flyuorit, turmalin, slyuda, kassiterit va sulfidli og’ir metall minerallari uchraydi.
Tarkibidagi minerallari yirik o`lchamli rudalar gravitatsiya usulida, tarkibidagi minerallari kichik o`lchamli rudalar esa flotatsiya usulida boyitiladi.
Sheelitni flotatsiya usulida boyitishda dastlab sulfidli minerallar ishqoriy muhitda, ksantogenat va sosna yog’i yordamida ajratib olinadi. Undan so`ng oleat natriy yoki olein kislotasining kerosin bilan aralashmasi yordamida sheelit ajratiladi.
Yig’uvchi reagentlarni qo`shishdan oldin kaltsiy minerallarini tazyiqlash uchun suyuq shisha (500÷1000g/t) ishlatiladi.
Olingan kambag’al boyitmani qayta tozalash uchun dastlab boyitma filtrlanib, bug’lantirish (proparka) jarayoni o`tkaziladi. Bu jarayonni o`tkazishdan maqsad, oldingi jarayonlarda qo`llanilgan reagentlar ta`sirini yo`qotishdan iborat.
Bug’lantirish jarayonida 80÷90<sup>o</sup>C harorat berilib, mahsulot 80 daqiqadan 2 soat muddatgacha aralashtiriladi. Bug’lantirish maxsus kontakt chanlarida amalga oshiriladi.
Ishni bajarish uchun zarur bo`ladigan materiallar va uskunalar
1. 200 gr. volfram rudasi namunasi.
2. Jag’li maydalagich;
3. elaklar to`plami;
4. Diskli tegirmon;
5. Flotatsiya mashinasi-700 va 75 ml;
6. Yig’uvchi reagentlar: butil ksantogenati C₄H₉OCS₂K, natriy oleati yoki kerosin bilan olein kislotasi aralashmasi;
7. Ko`pik hosil qiluvchi reagentlar: sosna yog’i;
8. Moslovchi reagentlar: soda (Na₂CO₃), suyuq shisha (Na₂SiO₃).
9. Elektron tarozi;
10. Mahsulotlar solish uchun idishlar;
11. Quritish pechi;
12. Yuvgichlar (promivalki);

6- rasm. Volfram rudasini flotatsiya usulida boyitish sxemasi.

Tajriba ishini o`tkazish tartibi va tadqiqot natijalarni tahlil qilish 1- bo’limda ko`rsatilgan
Nazorat uchun savollar


6 - LABORATORIYA ISHI