O’zbekiston respublikasi mudofaa vazirligi tarbiyaviy va mafkuraviy ishlar bosh boshqarmasi

Treningdan kutiladigan natija:

Bu mashg’ulot tinglovchilarga sahna mahorati elementlari, talablari haqida ma’lumot beradi. Bu ma’lumotlar tinglovchilarga harbiy qism va muassasalarda jamoaviy ijodiy ishlar, guruhda turli tadbirlarni tayyorlash mobaynida yordam beradi. Tarbiyaviy va mafkuraviy ishlar organlari, shaxsiy tarkib, tashkilotchilarga esa o’quv yili davomida tadbirlar va tarbiyaviy ishlarini qanday yo’lga qo’yish, shu bilan birga nimalarga e’tibor berish kerakligini bilish imkonini beradi.

Treningni o’tkazish tartibi. Mashg’ulot o’tuvchi tinglovchilarni mashg’ulotni o’tkazish qoidalari bilan tanishtiradi va 5 kishilik kichik guruhlarga bo’linishni taklif qiladi. Har bir guruh ichida qatnashchilarning roli quyidagicha taqsimlanadi: sahnalashtiruvchi rejissyor, boshlovchi, xoreograf, ssenarist, ijro etuvchi ( qo’shiqchi, raqqos, yumorist).

Shundan so’ng guruh a’zolari topshiriqlar yozilgan quyidagi mazmundagi kartochkalarni oladilar (yoki tanlaydilar):

• 
  biron-bir tadbirning ssenariysini tuzing;
  
• 
  tuzilgan ssenariy bo’yicha 30 daqiqalik adabiy-musiqaviy kompozisiya tayyorlang va uni sahnalashtiring, unda boshlovchining chiqishi, raqs va qo’shiq ijrosi, yumor, monolog, kompozisiyaning ommaviy tugallanishini ko’rish mumkin bo’lsin (kompozisiya qatnashchilari kichik guruhlarning barcha a’zolari bo’lishi mumkin);
  
• 
  adabiy-musiqaviy kompozisiyaga mos kerakli jihoz, musiqa, kiyimlar, dekorasiyalarni tanlang, shuningdek, joyni hozirlang (bu topshiriq qo’l ostidagi mavjud narsalar va shu yerdagi bor imkoniyatdan kelib chiqqan holda amalga oshiriladi).
  

Kichik guruhlar tomonidan topshiriqlarni bajarib taqdimot qilishlari uchun 30-40 daqiqa ajratiladi. Tayyorgarlik tugagandan so’ng mashg’ulotning keyingi bosqichi - taqdimot boshlanadi.

Taqdimot davomida guruhlar o’z ijodiy ishlari va mahoratlarini namoyish etadilar.

1. 
   Yakuniy bosqichda tarbiyachi tinglovchilar bilan quyidagi savollar orqali bajarilgan ishlar bo’yicha fikrlarini aniqlaydi:
   
2. 
   Ushbu treningdan qanday qiziq narsalarni o’rgandingiz?
   
3. 
   Nima yoqdi? Nega? Siz uchun nima yangilik bo’ldi?
   
4. 
   Qaysi ssenariy va sahnalashtirish Sizga ko’proq yokdi? Nega?
   
5. 
   Kompozisiyaning sahnalashtirilishi bo’yicha Sizning fikringiz, hamma narsa hisobga olinganmi?
   
6. 
   Boshlovchilar, raqqoslar, qo’shiqchilar, monologchilar, bezakchilar va boshqalarning chiqishi haqida Sizning fikringiz;
   
7. 
   Nimalar ustida yana ishlash kerak va yana nimalarni bilish kerak deb o’ylaysiz?
   
8. 
   Siz mashg’ulot mobaynida ko’rgan narsalaringizga qanday o’zgartirishlar kiritgan bo’lardingiz?
   

Muhokama jarayonida, shuningdek, uning yakunida mashg’ulot o’tuvchi rejissura, kompozisiya, raqs, sahna madaniyati, sahnalashtirish haqida ba’zi maslahatlarni beradi.