O’zbekiston respublikasi mudofaa vazirligi tarbiyaviy va mafkuraviy ishlar bosh boshqarmasi

O’ZBEKISTON RESPUBLIKASI MUDOFAA VAZIRLIGI

TARBIYaVIY VA MAFKURAVIY IShLAR BOSh BOShQARMASI


INNOVASION PEDAGOGIK TEXNOLOGIYaLAR TO’PLAMI

Toshkent – 2019 yil

Ushbu to’plamda ta’lim va tarbiya jarayonida qo’llaniladigan ba’zi bir interaktiv metodlar va pedagogik texnologiyalar bayon etilgan. Taklif etilayotgan interaktiv metodlar va pedagogik texnologiyalar Ravshan Ishmuhamedov va Maqsudjon Yuldashevlarning “Ta’lim va tarbiyada innovasion pedagogik texnologiyalar” nomli o’quv qo’llanmasidan keltirilgan. Mazkur to’plamdagi interaktiv metodlar va pedagogik texnologiyalarni harbiy qism va muassasalarda o’tkaziladigan tarbiyaviy ishlar jarayonida qo’llash tavsiya etiladi.

KIRISh
O’zbekistonda ijtimoiy hayotning barcha sohalarida amalga oshirilayotgan islohotlarning maqsadi inson va uning manfaatlari, uning xavfsizligi va farovonligini ta’minlash hamda barkamol avlodni voyaga yetkazishga qaratilgandir. O’zbekiston davlat mustaqilligini qo’lga kiritgandan keyingi qisqa vaqt ichida bosib o’tgan taraqqiyot yo’li asrlarga arzigulik mazmun va mohiyat kasb etmoqda.

Ma’lumki, taraqqiyotni harakatga keltirishda va turmushda ro’y berayotgan jarayonlarga o’z ta’sirini o’tkazishda jamiyat ijtimoiy-siyosiy, iqtisodiy, madaniy- ma’naviy yangilanishining muhim subyekti bo’lgan yoshlarni barkamol shaxs qilib tarbiyalash muhim masalasi ahamiyatga ega.

Ushbu to’plamning maqsadi harbiy qism va muassasalarda faoliyat ko’rsatayotgan tarbiyaviy va mafkuraviy ishlar organlari ofiserlariga innovasion pedagogik texnologiyalar to’g’risida umumiy tushuncha berish, ularni ta’lim-tarbiya jarayonini tashkil etish, tayyorlash, o’tkazish va tahlil qilishda innovasion pedagogik texnologiyalardan foydalanish uslubiyoti bilan tanishtirish, shuningdek amaliyotda qo’llay olishlariga zamin yaratishga yo’naltirilgan.

To’plam shaxsiy tarkib bilan ishlash jarayonida treninglar, ochiq munozaralar o’tkazishda, yakka tartibda, juftlikda, kichik guruhlar va jamoada ishlashni tashkil qilishda innovasion pedagogik texnologiyalardan foydalanish hamda harbiy qism va muassasalarda faoliyat ko’rsatayotgan tarbiyaviy va mafkuraviy ishlar organlari ofiserlariga ushbu jarayonga tayyorlash bo’yicha uslubiy tavsiyalar va maslahatlarni qamrab olgan. Shu bilan bir qatorda, ular uchun ta’lim va tarbiya jarayonida pedagogik texnologiyalardan foydalangan holda o’quv-tarbiyaviy mashg’ulotlarni o’tkazish uslubiyati bo’yicha namunalar, mashg’ulot o’tkazish va uni tahlil qilish texnikasi keltirilgan.

Dars ila tarbiya orasida bir oz farq, bo’lsa ham ikkisi bir-biridan ayrilmaydurgan, birining vujudi biriga boylangan jon ila tan kabidur.

Abdulla Avloniy