O’zbekiston respublikasi mudofaa vazirligi tarbiyaviy va mafkuraviy ishlar bosh boshqarmasi

Blok-so’rov Uslubning mohiyati. Ushbu uslub o’tilgan bir mavzu yoki bo’lim bo’yicha ma’ruzada egallangan bilimlarni tinglovchilar tomonidan mustaqil ravishda mustahkamlash, takrorlash va baholashlariga imkoniyat yaratish va barcha tinglovchilarni ham ilmiy-nazariy, ham amaliy jihatdan bilimlari, ko’nikmalarini baholay olishga yo’naltirilgan.

Uslubning maqsadi. Tinglovchilarni ma’ruzada o’tilgan mavzuni egallaganligi va mavzuni o’zlashtirib olinganlik darajalarini aniqlash, shu orqali egallangan bilim, ko’nikma, malakalarini o’zlari tekshirib, mustaqil ravishda o’zlarining bilim darajalarini baholay olish, shuningdek, o’z bilimlarini bir tizimga solishga o’rgatish.

Uslubning qo’llanishi: amaliy mashg’ulotlarning barcha turlarida o’tilgan mavzuni o’zlashtirilganlik darajasini takrorlash, mustahkamlash baholash yoki oraliq va yakuniy nazorat o’tkazish uchun mo’ljallangan.

Mashg’ulotga kerakli vositalar: tarqatma materiallar: ma’ruza matni, darslik, mavzuga oid qo’shimcha ma’lumotlar, jadvallar, rasm, plakatlar va b.; tinglovchilarning ma’ruzadan konspektlari; taqdimot-slaydlar va b.

Izoh: reja bo’yicha belgilangan mavzu asosida hamda mashg’ulot o’tuvchining qo’ygan maqsadi (tekshirish, mustahkamlash, bholash)ga mos tayyorlangan tarqatma materiallar tayyorlanadi.