O‘zbekiston respublikasi milliy gvardiyasi harbiy-texnik instituti

NOTA BENE !

Qasddan bo‘yin tovlash deganda o‘zboshimchalik bilan, ya’ni, uzrli sabablarsiz yashash joyini tark etish, yashash joyidan chiqish vaqtini buzish, shuningdek boshqa qo‘shimcha ta’qiqlarni kamida ikki marotaba buzish tushunilishi lozim. ²

Ozodlikni cheklash jazosi qonunda belgilangan jinoiy javobgarlikka tortish yoshiga yetgan shaxsga nisbatan tayinlanishi mumkin.
Mazkur jazo turining o‘ziga xos xususiyatlaridan kelib chiqib u harbiy xizmatchilar, chet el fuqarolari, shuningdek O‘zbekiston Respublikasida doimiy yashash joyiga ega bo‘lmagan shaxslarga nisbatan tayinlanmasligi belgilangan. Qonunda subyektga nisbatan boshqa cheklovlar nazarda tutilmagan.
Jinoyat sodir etgan shaxsning ilgari sudlanganligi ozodlikni cheklash jazosini qo‘llashga to‘sqinlik qilmaydi.
Ozodlikni cheklash muddati mahkum jazolarni ijro etish inspeksiyalarida hisobga qo‘yilgan kundan boshlab hisoblanadi. Mahkum uzrli sabablarsiz o‘zboshimchalik bilan yashash joyida bo‘lmagan vaqti ozodlikni cheklash muddatiga qo‘shib hisoblanmaydi.
Mahkum ozodlikni cheklash tariqasidagi jazoni o‘tashdan qasddan bo‘yin tovlagan, shuningdek sud tomonidan o‘z zimmasiga yuklatilgan majburiyatlarni bajarmagan taqdirda, jazolarni ijro etish inspeksiyasi sudga mahkum uchun ozodlikni cheklashning o‘talmagan muddatini jazoning boshqa turiga almashtirish haqida taqdimnoma kiritadi ³.
¹ Ўзбекистон Республикасининг Жиноят-ижроия кодекси, 1997. 112-модда 1-қисм.
² Қаранг: Ўзбекистон Республикаси Жиноят-ижроия кодекси, 1997 й., 1-қисм, 112-модда.
³ Ўша жойда. 442–444-моддалар.

8. §. Intizomiy qismga jo‘natish

Intizomiy qismga jo‘natish jinoiy jazoning maxsus turi bo‘ladi, chunki u faqat JK 49-moddasi 1-qismida ko‘rsatilgan subyektlarning muayyan doirasiga, ya’ni muddatli harbiy xizmatning harbiy xizmatchilariga qo‘llanadi. Ushbu jazoning boshqa shaxslarga qo‘llanilishi mumkin emas.