1.2. ЖАМИЯТ ВА ОИЛА
Ҳар қандай жамият тараққиётида оилаларнинг, оилалар мустаҳкамлигининг ўрни беқиёсдир. Чунки тирик организмнинг саломатлиги уни ташкил қилувчи ҳар бир ҳужайранинг соғломлигига боғлиқ бўлганидек, бутун организм ўз фаолиятини мақсадга мувофиқ амалга оширишида ҳар бир ҳужайранинг муносиб ўрни бўлганидек, оила ҳам давлат, жамият деб аталган бутун бир организмни ташкил этувчи ҳужайрадир. Ҳар бир оиланинг соғлом бўлиши, уларда ижобий психологик иқлимнинг ҳукм суриши, мана шу муҳитда дунёга келиб, шахс сифатида шаклланиб, сўнг ўзи яшаётган давлатнинг фуқароси сифатида ўз давлатининг иқтисодиёти, ижтимоий ҳаёти тараққиётини таъминловчи, ҳал қилувчи омил бўлган инсон камолотида оиланинг тутган ўрни беқиёсдир.
КОНСТИТУЦИЯСИДА ОИЛА
.
Оила жамиятнинг асосий бўғинидир, ҳамда жамият ва давлат
муҳофазасида бўлиш ҳуқуқига эга.
Ўзбекистон Республикаси Конституцияси 63-модда
Никоҳланган шахсларнинг тенг ҳуқуқлилиги
Аёллар ва эркаклар ҳуқуқларининг тенглиги
Конституциянинг оилавий муносабатлар соҳасидаги тамойиллари
Никоҳ эркинлиги
Оналик ва болалик муҳофазаси
Оилани муҳофаза ҳилиш
Нима сабабдан биз кўпроқ оила ва унда юз берадиган муносабатларга эътиборли бўламиз, нима сабабдан оила масканида ўзимизни яхши, бахтли ҳис этсак, ишимиз ҳам юришгандек, омадимиз чопгандек бўлади? Чунки оила бизнинг ҳаётимиздаги энг азиз ва яқин даргоҳ! Фақат оилагина инсонга бахтли бўла олиши, ўзини кимларгадир керакли ҳис эта олиши ёки бўлмаса ўзини эзилган, омадсиз сезишига сабаб бўла олади. Шунингдек, жамият тараққиётининг кутилган даражага чиқа олмаслиги, унинг тараққиётига тўсқинлик қилувчи, унинг инқирозига олиб келувчи кучларнинг юзага келишида ҳам оиланинг ҳиссаси каттадир. Чунки оилаларнинг носоғломлиги, ноқобил ва низоли оилалар, ажралишлар сонининг ортиши жамиятга турли иқтисодий, ижтимоий зиён етказиши билан бирга, бундай носоғлом психологик муҳитли, низо-жанажалли, ўзаро меҳр-оқибатсиз муҳитда дунёга келиб, шаклланган болада ҳам кейинчалик нафақат ўз ота-онаси, ака-укаларига нисбатан шундай муносабат, балки атрофдагиларга, қолаверса, ўзи яшаган жамиятга нисбатан ҳам меҳр-оқибатсиз, шафқатсиз, золим, худбин, турли жамият манфаатлари, юрт манфаатларига зид бўлган салбий ташқи кучлар таъсирига осон берилувчан, шу асосда эса ўз оиласи, ўз халқи, ўз юрти учун хавфли одам бўлиб етилиши мумкин.
Вояга етган, меҳнатга лаёқатли фарзандлар ўз ота-оналари ҳақида ғамҳўрлик қилишга мажбурдирлар.
Оила ва унинг жамият ҳаётидаги ўрни беқиёс бўлиб, Конституциянинг 14-боби оилага махсус бағишланган. 63, 64, 65, 66-моддалари оила масканининг жамият ва давлат муҳофазасида эканлиги, оила тузишда томонлар ихтиёрий розилиги ва тенг ҳуқуқлилиги, ота-оналарнинг фарзандларини вояга етгунларига қадар боқиш ва тарбиялаши мажбурликлари, оналик ва болалик давлат томонидан муҳофаза қилиниши, вояга етган ва меҳнатга лаёқатли фарзандларнинг ота-оналари ҳақида ғамҳўрлик қилишлари юзасидан мажбуриятлари аниқ кўрсатиб берилган.(17-бет).
Do'stlaringiz bilan baham: |