O’zbekiston respublikasi maktabgacha ta’lim vazirligi маktabgacha ta’lim tashkilotlari director va mutaxassislarini qayta tayyorlash va ularning malakasini oshirish instituti

2.1. ОИЛА ХУСУСИДА ШАРҚ УТАФАККИРЛАРИНИНГ ФАЛСАФИЙ ҚАРАШЛАРИ.............................. 11-21
2.2. НИКОҲ-ОИЛА МУНОСАБАТЛАРИНИНГ ЭВОЛЮЦИЯСИ................................................... 21-29
	19-20
FOYDALANILGAN ADABIYOTLAR RO’YXATI ...........................	34

КИРИШ

Қадрли ўқувчилар, азиз ёшлар, қўлингиздаги «Оила психологияси» дарслиги оила муносабатлари ва масалаларига бағишланади.
Инсон боласи дунёга келар экан, у мустақил ҳаракатланиш, юриш, ўқиш, ёзишдан бошлаб табиат ва жамиятнинг барча мураккаб қонунлари билан юзма-юз келганда нималар қилиш кераклигига ўргатилади, ёки бунга махсус ўқитилади. Маълумки, ҳаётимизнинг ярмидан кўпини қамраб оладиган, чинакам, тўлақонли инсоний бахтни инъом этадиган ёки аксинча, ҳар томонлама таъминланганлигимизга қарамасдан, бизнинг бахтимизни яримта қиладиган ҳам оилавий ҳаётдир.
Собиқ Иттифоқ даврининг сўнгги босқичларида ёшларни оилавий ҳаётга махсус тайёрлашга дастлабки уриниш ҳам муваффақиятсиз тугади. Чунки у вақтларда масалага илмий ёндашилмаган, жумладан ҳар бир халқнинг ўзига хос этнопсихологик хусусиятлари ҳисобга олинмаган, номи психология бўлсада, мазмунан педагогикага яқин турган қўлланмалар билан ўқитилинган эди.
Ўзбекистон мустақиллиги туфайли Республикада оила муаммолари давлат аҳамиятига молик бўлган масалалар қаторидан расмий равишда ўрин олди.
1998 йилни «Оила» йили деб эълон қилиниши, «Оила» илмий-амалий Марказининг ташкил этилиши, Республикада оила манфаатига қаратилган махсус Давлат дастурининг қабул қилиниши, унинг мантиқий давоми сифатида 1999 йилни «Аёллар йили» деб эълон қилиниши, вилоятларда оилага хизмат қилувчи турли маслаҳатхоналарнинг ташкил этилиши, оила муаммоларини илмий тадқиқ этиш мақсадида Ўзбекистон тарихида биринчи бор оила психологияси муаммолари бўйича тадқиқотлар олиб борадиган илмий кадрларни тайёрлаш мақсадида аспирантура ташкил этилиши, уларга аспирантларнинг қабул қилиниши юқоридаги фикримизнинг далилидир.
Мазкур дарслик академик лицей ва касб-ҳунар коллежларининг ўқувчиларига мўлжалланган бўлиб, илк бор яратилган синов дарслиги сифатида шу мавзудаги бошқа анъанавий дарсликлардан бирмунча фарқ қилади.
Оила психологиясини илмий жиҳатдан ҳар томонлама тўлиқ ифодалашга ҳаракат қилинди.
Ўқувчиларни мустақил фикрлашга ундовчи, ижодий тафаккурини ўстирувчи турли ҳикматлардан, хажвий афоризмлардан кенг фойдаланилди. Чунки ҳикмат - ҳаётий сабоқ бўлса, ҳажв - ҳаёт тўлқинларидаги қутқарув ҳалқасидир. Бу ўзбек халқини миллий психологиясига мос бўлиб, серқиррали ва мураккаб оилавий ҳаётга фалсафий кўз билан қарашга, танқидий ва таҳлилий фикрлашга, ҳаётий қийинчиликларни енгишга ўргатади.
Мазкур дарслик Ўзбекистон Республикаси Олий ва Ўрта Махсус Таълим Вазирлиги, Ўрта Махсус Касб-ҳунар Маркази томонидан тавсия этилган бўлиб, у республикамизнинг етакчи психолог, оилашунос олимлари томонидан яратилди.