O‘zbekiston Respublikasi Maktabgacha ta’lim tizimi xodimlari asosiy lavozimlarining malaka tavsiflarini tasdiqlash to‘g‘risida

§. Maktabgacha ta’limi vazirligi bosh mutaxassisi lavozimi malaka tavsiflari

Tartib raqami	714
Mashg‘ulotlarning milliy standart klassifikatori bo‘yicha kodi	1213
Xodimlar toifasi	Boshqaruv

1. 
   Lavozim vazifalari:
   

–O‘zbekiston Respublikasi Konstitutsiyasi va qonunlari talablariga, shuningdek boshqa normativ-huquqiy hujjatlarga rioya etish;
–bo‘ysunuviga qarab bosh boshqarma, boshqarma va bo‘lim boshlig‘i tomonidan o‘ziga yuklatilgan topshiriqlar ijrosini to‘liq bajarish va ular yuzasidan tegishli takliflar kiritish;
–o‘z yo‘nalishi bo‘yicha maktabgacha ta’limi boshqaruv organlarining istiqbol ish rejalarini, yaxlit maqsadli dasturlarini, tizimning bo‘linmalari muammolari bilan bog‘liq boshqa hujjatlarga kiritish uchun berilgan takliflarni tahlil qilish va ularni umumlashtirish hamda o‘z vaqtida, sifatli bajarilishi bo‘yicha monitoringini amalga oshirish;
–vazirlik tasarrufidagi maktabgacha ta’lim tashkilotlarining faoliyati tahlilini o‘tkazish bo‘yicha namunaviy dasturlarni ishlab chiqishda ishtirok etish, o‘z vazifasini bajarish uchun zarur bo‘lgan uslubiy ishlanmalar (jadval, nazorat ishlari, test materiallari, anketa va boshqalar)ni tayyorlash, tarbiyalanuvchilar tomonidan davlat talablarini bajarilishini tahlil etish, bo‘lim faoliyati bilan bog‘liq statistik ma’lumotlarni yig‘ish, umumlashtirish, bosh boshqarma, boshqarma va bo‘lim boshlig‘i huzuridagi ishlab chiqarish majlisi muhokamasiga kiritiladigan masalalar yuzasidan materiallar tayyorlash;
–o‘z yo‘nalishi bo‘yicha metodik adabiyotlarni yaratish, nashr etish va ta’minlash tizimini takomillashtirish bo‘yicha boshqarma va bo‘lim boshlig‘iga takliflar kiritish, nashriyotlar tomonidan metodik adabiyotlarni chop etish, ularning natijalari bo‘yicha vazirlik rahbariyatiga tegishli ma’lumotlar tayyorlash, maktabgacha ta’lim tashkilotlari uchun metodik adabiyotlar va qo‘llanmalar tanlovini tashkil etish hamda o‘tkazishda ishtirok etish;
–o‘z yo‘nalishi bo‘yicha maktabgacha ta’lim tashkilotlari, maxsus va ixtisoslashtirilgan maktabgacha ta’lim tashkilotlari uchun tayanch va namunaviy dasturlarni ishlab chiqish bo‘yicha tavsiyalar berish, ularni bajarilishini nazorat qilish;
–o‘z yo‘nalishi bo‘yicha yaratilayotgan normativ-huquqiy hujjatlar loyihalarini tayyorlashda faol ishtirok etish, maktabgacha ta’lim tizimini tashkil etishga doir normativ- huquqiy hujjatlarni joylarga yetkazish va nazoratini olib borish, vazirlikning boshqarma va bo‘limlari bilan faoliyat uzviyligini ta’minlash;
–o‘z yo‘nalishi bo‘yicha doimiy ravishda boshqarmadan kuz-qish mavsumi bo‘yicha, vazirlik tasarrufidagi maktabgacha ta’lim tashkilotlarida elektr energiyasiga, tabiiy gazga va toza suvga bo‘lgan ehtiyoji ta’minlanishi bo‘yicha ma’lumotlarni, ta’lim tashkilotlari bino va inshootlaridan foydalanish me’yorlari (yong‘inga qarshi, sanitariya-gigiyena, ekologik va boshqalar)ni to‘liq bajarilishi ustidan nazorat qilish, maktabgacha ta’lim tashkilotlarida olib borilayotgan qurilish-ta’mirlash ishlari to‘g‘risidagi hisobotlarni respublika bo‘yicha umumlashtirish va boshqarma boshlig‘iga taqdim etish;
–o‘z yo‘nalishi bo‘yicha xorijiy sarmoyalarni jalb qilish yuzasidan tegishli loyiha hujjatlarini tayyorlashda ishtirok etish, maktabgacha ta’limning hududiy boshqaruv organlarida tashqi aloqalar bo‘yicha olib borilayotgan ishlar haqida ma’lumotlar yig‘ish, ularni o‘rganish va bo‘lim boshlig‘iga tegishli ma’lumotnomalar tayyorlash, xorijiy xizmat safariga jo‘natilayotgan maktabgacha ta’lim tizimi xodimlarining tegishli viza va ruxsatnomalarini olishida yordam ko‘rsatish;
–davlat siriga kiritilgan ma’lumotlar va maxfiy axborot bilan ishlashda qonun hujjatlari talablariga rioya qilish;
–o‘z yo‘nalishi bo‘yicha maxsus va sanatoriya tipidagi maktabgacha ta’lim tashkilotlarining ta’lim jarayoni va mehnat intizomini nazorat qilish, ularning ta’lim jarayoni uchun zarur bo‘lgan metodik qo‘llanmalar bilan ta’minlanish darajasi yuzasidan monitoring olib borish;
–tashkilotlarning moddiy-texnik bazasini o‘rganish, bu borada boshqarma boshlig‘iga tegishli takliflar kiritish;
–o‘z yo‘nalishi bo‘yicha hujjatlar va topshiriqlarning avtomatlashtirilgan nazoratga qo‘yilishini, ularning bajarilishini kuzatib borish, ogohlantiruvchi nazoratni, ijro intizomini yakunlashni ta’minlovchi elektron ish yuritish va hujjatlar aylanishi yagona tizimining ma’lumotlar bazasini yuritish;
–ijro intizomining joriy (har kunlik) va har oylik tahlilini o‘tkazish, har o‘n kunda tarkibiy bo‘linmalari rahbarlariga navbatdagi o‘n kunlikda ishlari tugallanishi lozim bo‘lgan hujjatlarni shakllantirish va ular to‘g‘risidagi ma’lumotnoma-eslatmalarni yozma va elektron shaklda yuborish, har oyda navbatdagi oy mobaynida ishlari tugatilishi lozim bo‘lgan hujjatlarni shakllantirish;
–kasbiy odob-axloq qoidalari, sanitariya-gigiyena talablari, mehnatni muhofaza qilish, texnika va yong‘in xavfsizligi qoidalari talablariga rioya qilish.

2.