O‘zbekiston respublikasi konstitutsiyasi

Tankka qarshi qo‘l granatasini harakatlanmaydigan nishonga uloqtirish


Nishon – okop (o‘ra)dagi tank (12B raqamli nishon), front bo‘yicha 3,5 m, chuqurligi bo‘yicha 7 m o‘lchamda o‘rnatiladi:
- o‘lcham chuqurligi bo‘yicha 3 qismga bo‘linadi: markaziy - 2,5 m chuqurlikda, yaqin va uzoq - 2,25 m chuqurlikda. Markaziy qismining yon tomoniga ikki nishon, uzoq qismining o‘rtasiga bir nishon o‘rnatiladi;
- nishongacha masofa – 20-15 m.;
- granatalar soni - 1 bolvanka tankka qarshi granata;
- otishdagi holat – okop (o‘ra)da turgan holatda.


Qo‘l granatasini uloqtirish bo‘yicha yakkama-yakka musobaqalar


Musobaqa o‘tkazish joyi – joydagi istalgan maydoncha. Start chizig‘idan 50 m masofada xandaq qazilgan. Xandaqdan 20 m uzoqlikda granata uloqtirish uchun o‘lchamlari 1,5 x 1,0 metrli (yerdan balandligi 0,4 m) taxtacha – nishon o‘rnatilgan. Boshlang‘ich holat - start chizig‘ida yotish.
1-variant. «Olg‘a!» buyrug‘i berilishi bilan 50 m masofani yugurib o‘tish. Xandaqqa sakrab tushish va 600 grammli parchalanuvchi qo‘l granatasini (yasama granata) 20 metr masofadagi nishonga uloqtirish. Musobaqa birinchi bo‘lib yutqazganni musobaqadan chiqarish tizimi bo‘yicha o‘tkaziladi. Musobaqa boshlanishidan avval qur’a tashlash yo‘li bilan ishtirokchilarning uchrashish tartibi aniqlanadi. Mashqlarni bajarish bir vaqtda ikki ishtirokchi bilan o‘tkaziladi. Juftlikda birinchi bo‘lib nishonga granatani tekkizgan ishtirokchi g‘olib hisoblanadi. Har bir ishtirokchiga ikkitadan granata beriladi. Agar ishtirokchi birinchi granatani tekkiza olmasa ikkinchi granatani uloqtiradi. Agar ikkala ishtirokchi ham uloqtirilgan granatalardan hech birini nishonga tekkiza olmasa, ular mag‘lub hisoblanadi. Juftliklardagi g‘oliblar yana juft holda o‘zaro uchrashadilar. O‘quv vzvodi (bo‘lim) birinchiligi oxirgi juftlikda g‘olib bo‘lgan ishtirokchiga beriladi.
Kiyim-bosh turi – harbiycha avtomat bilan (avtomat maketi) va ikkita granatasi bilan granata sumkasi.Yakkama-yakka musobaqalar boshqa sharoitlarda ham o‘tkazilishi mumkin.
2-variant. «Olg‘a!» buyrug‘i berilishi bilan 30 metr masofa yugurib, 20 metr masofa yerga yotib emaklab o‘tiladi. Xandaqqa tushish va qolgan shartlar avvalgi qoidalar asosida amalga oshiriladi.