O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

31-mavzu. O’quv-trenirovka yig’inlari


O’quv mashg’ulot yig’inlarini tashkil qilish va o’tqazish. So’ngli yillarda sportning barcha turlaridagi yutuqlarning o’sishini sport fani taraqqiyoti va uni amaliyotga yaqinlashtirish, rejalashtirishning ilg’or usullari va mashg’ulotlarni o’tqazish, jismoniy yuklanmalar hajmi va shiddatining o’sishi, moddiy-texnika sport bazasining yaxshilanishi, sport maydonlaridagi raqobatning keskinlashuvi va bir qator boshqa sabablar bilan tushuntirish mumkin.
Shuningdek, sport yutuklarining o’sishini ta`minlovchi asosiy omillardan biri mashg’ulot jarayonini tashkil qilish shakllarini takomillashtirish hisoblanadi. Ma`lumki, hozirgi zamon talablariga ko’ra, yuqori razryadli sportchilarga kuniga ko’pincha ikki, ba`zan esa uch marotalab ham trenirovka-mashg’ulotlarini o’tqazishga to’g’ri keladi.
Sportchilar ko’pincha sport mashg’uloti joylaridan ancha uzoqda yashaydigan shahar sharoitlarida bunday mashg’ulot o’quv rejasiga ilova sifatida quyidagilarni olish maqsadga muvofiqdir:
a) zarur bo’lgan sport anjomlari ro’yxati;
b) zarur bo’lgan uskunlar va tezkor o’quv axborotini ta`minlash uchun turli predmetlar ro’yxati.
O’quv-mashg’ulot jarayonlari samaradorligiga bog’liq bo’lgan asosiy omillar quyidagilar hisoblanadi:
Yuqori malakali murabbiylarning doimiy tarkibi.
Murabbiylarga har bir sportchini individual tayyorlashda kerakli e`tibor qaratishga imkon beruvchi, tayyorgarlik darajasi bo’yicha qulay bo’lgan o’quv guruhlari.
Shifokor va doimiy kompleks ilmiy guruh a`zolari tomonidan amalga oshiriluvchi tibbiy-pedagogik kuzatuvlar, murabbiyga mashg’ulot yuklanmalari hajmi va shiddatini boshqarib turish va mas`uliyatli musobaqalar boshlanishiga sportchilarni har tomonlama tayyor holatiga keltirishga imkon beruvchi tiklovchi vositalar majmuasining mavjudligi.
Tezkor ko’rgazmali o’quv axborot vositalaridan keng foydalanish (videoyozuvlar, internet va boshq.)
Sport anjomlari va asbob-uskunalarining mashg’ulotlarga o’z vaqtida sifatli tayyorgarlik.
Mashg’ulot jarayonida har-bir sportchiga individual yondashuvga rioya qilish o’ta muhimdir. Mashg’ulot yuklanmalarining hajmi va shiddati mashg’ulot rejalariga mos kelish lozim.
Nazariy mashg’ulotlarning o’tkazilishi juda muhim hisoblanib, ular sportchilarni tartibga solingan bilimlar majmui, ya`ni mashg’ulot uslubiyatining ilmiy asoslari, uni rejalashtirish, hisobga olish va tahlil qilishga o’rgatadi, bu esa sportchilarning mashg’ulot jarayoniga ongli munosabati va oxir oqibatda ularning sport mahoratining yanada tezroq takomillashuviga imkon beradi.