O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Qayiq boshqaruvida uchraydigan xatolar. Suv slalomida eshkak eshishning barcha turlari uchun eng xos va umumiy xatolar quyidagilardir:
1. Eshkakchining qayiqqa yetarlicha mustahkam mahkamlanmasligi eshkakchining eshkakka beradigan kuchini kamaytirib, qayiq boshqaruvidagi qator murakkab usullarning samarasiz bajarilishiga olib keladi.
2. Qayiqni oldinga tortish vaqtida tanani oldinga egish. Tana orqaga harakat qilishga kechikadi, natijada bel mushaklari etarlicha ishlatilmaydi.
3. Tayanchli fazaning qisqarishi va zaiflashishiga, tana va qo’llar mushaklarini ishlatishda mutanosib o’zaro aloqaning yo’qolishiga olib keladigan katta xato.
4. Suvni ilish avvalida kuchli suv sachrashi yuz beradi – bu suvni ilishdan oldin eshkak parragining vertikal tezligi past bo’lishi sababli kuzatiladi.
5. Qoniqarsiz muvozanat – tayanchsiz fazada yoki usullar orasidagi bog’lovchi bo’g’imda mushaklar bo’shashishi yo’qligining natijasi. Tez charchab qolishga, ag’darilishga olib keladi.
6. To’g’ri yo’nalishdada qayiqning eshish tomonga og’ishi, natijada qayiq yo’nalishni o’zgartiradi.
7. Juftlik qayiqlar yoki baydarkada eshkak eshishda kuchi yoki uzunligi bo’yicha teng bo’lmagan suvdan olib o’tish qayiq yo’nalishining o’zgarishiga, ortiqcha quvvat sarflanishiga sabab bo’ladi.
8. Eshkakni noto’g’ri ushlash. Baydarkachida eshkak tutqichida kaftlarning nosimmetrik joylashishi (agar bu eshkakchining richagni uzaytirishga oid qarori bo’lmasa) tezda charchash, mushaklar bo’shashishiga sabab bo’lishi mumkin. Kanoe eshkak eshuvchida itarish usulini bajarayotganda tortuvchi qo’l kaftining eshkak yuzasiga yaqin joylashishi qo’l jarohatiga olib keladi.
9. Bel mushaklaridan foydalanmagan holda qo’l mushaklari hisobiga eshkak eshishda tayanchli faza qisqarib, tez charchoq yuz beradi.
10. Juftlik qayiqda uni boshqarish usullarini qo’llash vaqtida birinchi va ikkinchi eshkak eshuvchining kelishmasdan harakat qilishi qayiq yurishini sekinlashtirib, to’siqlardan o’tolmaslik yoki ularga tegib ketish holatini yuzaga keltiradi.
11. “Yarim vintli” usul bilan “eskimoscha” aylanishni bajarishda eshkak yuzasini qayiqqa yaqin keltirish. Kuchli oqim sharoitida qayiq ag’nashiga sabab bo’lishi mumkin.