O’zbekiston respublikasi jismoniy tarbiya va sport vazirligi o’zbekiston davlat jismoniy tarbiya va sport universiteti eshkak eshish nazariyasi va uslubiyati chirchiq-2020 yil

Trenirovka mashg’ulotini tashkil qilish. Suvda mashg’ulotlarni tashkil qilish mashg’ulot joyini tanlash, jihozlarni tayyorlash, ob-havo sharoitini hisobga olish, mashg’ulot o’tkazish shaklini aniqlash, jarohat va baxtsiz xodisalardan ogohlantirish chora-tadbirlarini ko’zda tutadi.
Mashg’ulot joyini tanlashda shug’ullanuvchilar kontingentini, mashg’ulot vazifasini, ob-havo sharoitini va akvotoriya (suv havzasi) holatini hisobga olish zarur.
Jihozlarni tayyorlash shug’ullanuvchirar kontingentini, bundan tashqari sportchining individual ma`lumotlari, mashg’ulot vazifasi va yo’nalganligini hisobga olgan holda amalga oshiriladi.
Yangi shug’ullanuvchilar bilan mashg’ulotlarni o’tkazishda shamol yo’nalishi va kuchi, akvatoriya holati, havo harorati va namligi, oqim yo’nalishi va kuchi hisobga olinadi.
Mashg’ulot o’tkazishda murabbiyning o’rni avvalam bor eshkak eshish sportining o’ziga xosligini, aynan, mashg’ulotning ochiq suv havzasida o’tkazilishidan kelib chiqqan holda aniqlanadi. Shuning uchun murabbiy katerda joylashadi va eshkak eshuvchila xulqini kuzatib, ularga ko’rsatmalar beradi, zarurat tug’ilsa ularga yordam ko’rsatadi.
Kater joylashuvi mashg’ulot maqsad va vazifalari, ularning o’tkazilish sharoiti, bundan tashqari mashg’ulot o’tkazishda xavfsizlikni ta`minlashni hisobga olgan holda aniqlanadi. Suvda mashg’ulot o’tkazish jarohat va baxtsiz hodisalarning oldini olishda maxsus choralarni qo’llashni talab qiladi.
O’quv-trenirovka yig’inlarida ishlarni tashkil qilish. O’quv-trenirovka yig’ini – istiqbolli va yuqori malakali sportchilar tayyorgarligining asosiy shakllaridan biridir. Yig’in o’tkazish maxsus tashkiliy ishlarni talab qiladi. Buning uchun quyidagilarni aniqlash zarur:

• 
  o’quv-trenirovka yig’inining maqsadi;
  
• 
  trenirovka yig’ini oxirida aniq ko’zda tutilgan oxirgi natijalar;
  
• 
  yig’inni o’tkazish sharoiti (muddati va uning davomiyligi, mazorat musobaqasining muddati, moddiy-texnik ta`minot, sportchi va murabbiylar soni, sportchilarning sport-texnik tayyorgarlig darajasii, ularning individual va yosh xususiyatlari);
  
• 
  yig’inda bajarilishi ko’zda tutilgan tadbir (trenirovka mashg’ulotlari soni, umumiy yuklama, tarbiyaviy ish, saralash va jamoani yig’ish va shu kabilar);
  
• 
  kutilayotgan natija – alohida tayyorgarlik turlari bo’yicha korsatkichlar, bundan tashqari jamoani saralash va yig’ish bo’yicha ko’zda tutilgan natijalar;
  
• 
  nazorat tizimi – joriy, oraliq (bosqichli) va yakuniy nazorat ishlari ko’rsatkichlari va tadbirlari;
  
• 
  boshqaruv tizimi – murabbiylar soni, ularning huquq va majburiyatlari, rahbarlik ko’lami, bo’ysunish tizimi.