Ichki ishlar organlarida xizmatga
kasbiy-psixologik layoqatni baholash
QAYDNOMASI
“_____” guruh
20__yil “___” ________________
T. r
F.I.O
Shifrli kartochka raqami
Ball
Kichik komissiyasi raisi
______________(imzo)
____________________________(unvoni va F.I.O.)
Kichik komissiyasi a’zolari:
______________(imzo)
____________________________(unvoni va F.I.O.)
______________(imzo)
____________________________(unvoni va F.I.O.)
______________(imzo)
____________________________(unvoni va F.I.O.)
______________(imzo)
____________________________(unvoni va F.I.O.)
O‘zbekiston Respublikasi Ichki ishlar vazirligi Akademiyasi kasbiy tayyorgarlik fakultetiga qabul qilish tartibi to‘g‘risidagi nizomga
7-ILOVA
Yakka tartibdagi yakuniy suhbat o‘tkazish
METODIKASI 1-§. Umumiy qoidalar
1. Yakka tartibdagi yakuniy suhbat nomzodlarning O‘zbekiston tarixi, yuridik fanlar bo‘yicha bilimlari va umumiy dunyoqarashini baholash maqsadida og‘zaki savol-javob tarzida o‘tkaziladi.
2. Nomzodlar sonidan kelib chiqqan holda yakka tartibdagi yakuniy suhbatni qabul qilish uchun bir yoki bir nechta komissiyalar tuzilishi mumkin. Bunda, barcha komissiyalar a’zolari soni teng etib belgilanadi.
3. Yakuniy suhbat davomida nomzodlarga beriladigan savollar komissiya a’zolari, tarix, yurisprudensiya sohasidagi malakali mutaxassislar hamda psixologlar tomonidan tuziladi va savollar bo‘yicha bilet variantlari tayyorlanadi. Biletlardagi savollarning takrorlanishiga yo‘l qo‘yilmaydi.
4. Savollar ro‘yxati va bilet variantlari komissiya raisi tomonidan tasdiqlanadi va komissiya mas’ul kotibining seyfida saqlanadi. Mas’ul kotib savollar ro‘yxati va bilet variantlari oshkor qilinmasligi uchun javobgar hisoblanadi.
5. Yakuniy suhbat kuni nomzodlarda fuqarolik pasporti yoki xizmat guvohnomasi bo‘lishi shart.
2-§. Yakka tartibdagi yakuniy suhbatni o‘tkazish
6. Yakka tartibdagi yakuniy suhbatda nomzod 3 ta savoldan iborat biletga javob beradi.
Har bir biletda:
birinchi savolda — O‘zbekiston tarixi bo‘yicha;
ikkinchi savolda — yuridik fanlar bo‘yicha;
uchinchi savolda — umumiy dunyoqarashini aniqlash bo‘yicha masala beriladi.
7. Ichki ishlar organlarining serjantlar tarkibi xodimlarini maxsus kasbiy tayyorlash yo‘nalishiga o‘qishga kirish uchun nomzodlarga beriladigan savollar mazmuni ta’lim mutaxassisligi huquqshunos va tarix fanlariga ixtisoslashmagan umumiy, o‘rta maxsus, boshlang‘ich professional, o‘rta professional va o‘rta maxsus professional ta’lim uchun mo‘ljallangan o‘quv dasturlariga muvofiqlashtirilgan holda tuziladi.
(7-band O‘zbekiston Respublikasi ichki ishlar vazirining 2020-yil 26-fevraldagi 84-sonli buyrug‘i (ro‘yxat raqami 2941-1, 25.03.2020-y.) tahririda — Qonun hujjatlari ma’lumotlari milliy bazasi, 25.03.2020-y., 10/20/2941-1/0359-son)
8. Ichki ishlar organlarining ofitserlar tarkibi xodimlarini maxsus kasbiy tayyorlash yo‘nalishiga o‘qishga kirish uchun nomzodlarga beriladigan savollar mazmuni ta’lim mutaxassisligi huquqshunos va tarix fanlariga ixtisoslashmagan tayanch oliy ta’lim uchun mo‘ljallangan o‘quv dasturlariga muvofiqlashtirilgan holda tuziladi.
9. Nomzodlarning umumiy dunyoqarashini aniqlash bo‘yicha tuziladigan savollar, ularning ijtimoiy-siyosiy bilimi va dunyoqarashi, respublika va dunyoda bo‘layotgan voqealardan xabardorligi, dinlar haqidagi tushunchasi va munosabati, vatanparvarlik haqidagi tasavvurlari hamda ichki ishlar organlari faoliyati uchun zarur bo‘lgan boshqa muhim jihatlarni aniqlashga yo‘naltirilgan bo‘ladi.
10. Nomzodlar suhbatga tasdiqlangan ro‘yxat bo‘yicha ketma-ketlikda yakka tartibda kiritiladi va biletlardan birini tanlaydi.
11. Nomzodlar biletlardan birini tanlab olgach, savollarga tayyorgarlik ko‘rishlari uchun 10 daqiqa vaqt beriladi. Agarda nomzod ushbu vaqtdan foydalanishni lozim deb topmasa, tayyorgarlik ko‘rmasdan javob berishiga ruxsat etiladi.
3-§. Yakka tartibdagi yakuniy suhbat natijalarini aniqlash
12. Nomzodning savollarga javobi eshitilgandan so‘ng komissiyaning har bir a’zosi nomzodga o‘zining bahosini qo‘yadi. Qo‘yilgan barcha ballar umumlashtirilib, nomzodning o‘rtacha arifmetik balli aniqlanadi.
13. Nomzodning savollarga javoblari quyidagi 4 ta mezon bo‘yicha alohida baholanadi:
1. Savolning mazmun va mohiyatini ochib berish.
2. Savolga javobni mantiqan va ketma-ketlikda izchil ifodalash.
3. Savolni yoritishda mustaqil va ijodiy fikrlash.
4. Javobni yoritishda ishonchli dalillar yoki normativ hujjatlarga murojaat qilish.
14. Har bir mezon 9 ta baholash darajasiga ega:
maksimal;
juda yuqori;
yuqori;
o‘rtadan yuqori;
o‘rta;
o‘rtadan past;
past;
juda past;
qoniqarsiz.
