O’zbеkistоn rеspublikаsi хаlq tа`limi vаzirligi

TOJIK ADABIYOTI
Tojik adabiyotining tarixi tojik xalqining tarixi kabi   boy va qadimiydir. O`zining
kelib chiqishi va til xususiyatlari jihatidan tojiklar Eronda yashovchi forslarga vobasta.
Shu bois fors-tojik adabiyoti atamasi tez-tez qo`llanadi. Ulug` mutafakkirlar  Abulqosim
Firdavsiy,   Umar   Xayyom,   Sa'diy   She'roziy,   Hofiz   She'roziy,   Abdurahmon   Jomiyning
ijodiy merosi bani basharga bir xil darajada taalluqlidir. Qadim tojik adabiyotni qardosh
xalqlar adabiyoti jumladan, o`zbek adabiyoti bilan bog`lovchi an'analar mavjud. Bu ikki
xalq vakillari ikki tilda bemalol gaplashish barobarida ikki tilda ijod ham qiladilar.
Xalq   og`zaki   ijodi   namunalari,   «Avesto»,   «Go`ro`g`li»   siklidagi   dostonlardan
ma'lum   bo`ladi-ki,   yozma   tojik   adabiyoti   IX   asrdan   boshlanadi.     Shunga   qarab   tojik
adabiyotini quyidagicha tasnif etish mumkin:
1. Qadimgi tojik adabiyoti
2. IX-XV asrlar adabiyoti
3. XVI-XIX asr tojik adabiyoti
4. Sho`rolar davri  tojik adabiyoti (1917-1991)
5. Hozirgi zamon tojik adabiyoti
Qadimgi   tojik   adabiyotining   bizgacha   yetib   kelgan   ilk   namunalari:   «Avesto»,
«Rustam» to`grisidagi dostonlar, parfian tilidagi «Assiriya tarixi», «Zorer haqida» asarlar.
Asrab istilosidan so`ng to IX asr boshigacha davlat tili arab tili edi.   Somoniylar
davlati paydo bo`lgach esa jonli til-«dari» (forsiy) hisoblanib, yozma adabiyot shakllanadi.
Abutoqiyi   Abbos   ibn   Taxon   Samarqandiy,   Abuhafs   Samarqandiy,   Xanzol   Bog`disiy,
Mas'ud Marvoziy, Feruz Mashriqiy, Muhammad ibn Vosif Sag`ziy, Abusolih Gurgoniy,
Abbos Marvaziy, Bassom Kurd Xorijiy, Muhammad ibn Muhallidlar mazkur adabiyotning
vakillari hisoblanib, ularning ijodida xilq og`zaki ijodining ta'siri kuchli edi. Tojik yozma
adabiyotining asoschisi sifatida Abu Abdulloh Ro`dakiy tan olingan.
V-XI asrlarga kelib tojik mumtoz adabiyotida ruboiy (Ibn Sino, Umar Xayyom),
g`azal  (Unsuriy, Farruxiy,  Manuchehriy),  qasida  janrlari  bilan  bir qatorda dostonchilik
ravnaq   topdi.   Abulqosim   Firdavsiyning   «Shohnoma»,   Asadiyning   «Gurshaspnoma»,
Faxriddin Gurgoniyning «Vis va Romin» dostonlari mazkur janrning yetuk nishonasi edi.
«Zol va Rudoba», «Bijan va Manij», «Bahromi Cho`bina», «Temirchi Kova» kabi bin
necha dostonlarni o`z ichiga olgan «Shohnoma» asarida turli toifa kishilarining murakkab
munosabatlari   ifodasini   topgan,   Rustam   va   Isfandiyorlarning   qahramonona   hayoti
tasvirlangan.
X-XI asr fors-tojik she'riyatida Nosir Xisrav va Umar Xayyomning alohida o`rni
bor. Nosir Xisravning «Xudo bilan aytishuv» qasidasi, «Safarnoma», «Rushnoyinoma»
asrlarida mumtoz adabiyotining ana'ana va g`oyalari bir muncha yangilangan bo`lsa, Umar
Xayyom ruboiy janrining katta salohiyatga ega ekanini namoyish etdi.
Nazira,   tatabbu'   janrlarini,   XII   asrda   Sobir   Termiziy   o`z   asarlari   bilan   boyitgan
bo`lsa, ijtimoiy hayotning illatlarini hajv kulgi asosida So`zaniy qalamga oldi.
XIII-XIV asrlar tojik adabiyot  ravnaqi uchun alohida mavqega ega. Aytish mumkin-
ki, to Abdurahmon Jomiygacha tojik adabiyotini yuksak cho`qqiga olib chiqqan Jaloliddin
Rumiy,   Xusrav   Dehlaviy   va   Sa'diy   Sheroziylar   ayni   shu   davr   mahsuli   edi.     Xusrav
Dehlaviy   Nizomiy  an'anasini  davom ettirib, mohiyatan  yangi  bo`lgan  «Xamsa» yozdi.
«Bo`ston», «Guliston» asarlari bilan dunyo adabiyotiga hissa qo`shgan Sa'diy Sheroziy
g`azalchilikni   yuqori   pog`onaga   ko`tardi.   Ulug`   mutafakkir   Alisher   Navoiy   «Xamsa»
4

---

Aim.uz
dostonida ham, «Xazoyin ul-maoniy» kulliyotida ham g`azalda uch kishini tan olishini
zikr etgan edi: Sa'diy Sheroziy, Hofiz Sheroziy va Abdurahmon Jomiy.
XIII-XIV asrlarda   O`rta  Osiyo  va   Eronning   shahar   hamda   qishloqlari   mug`ullar
istilosida toptaldi. Qonli urushlar va xalqqa qilingan zulm, ijtimoiy-iqtisodiy ahvolning
og`irligi   shoir   va   yozuvchilarning   ham   ijodiga     ta'sir   qildi.   Hofiz   Sheroziy,    Kamol
Xo`jandiy,   Nosir   Buxoriylar   fors-tojik   adabiyotidagi   g`azal   va     ruboiy   janrlarini
takomillashtirishga   harakat   qildi.     Ubayd   Zakoniy   «Risolai   ahloq-ul-ashrof»,   «Yuz
nasihat», «Sichqon bilan mushuk» asarlari bilan hajviy satirani rivojlanishiga munosib
ulush qo`shdi. XV asrga kelib Samarqand, Buxoro, Hirot kabi shaharlarda adabiy hayot
qaytadan jonlandi. Ko`pgina shuaro zullisonayn ijodkor tarzida faoliyat yurita boshlashdi.
Ayniqsa, Alisher Navoiy va Abdurahmon Jomiy o`rtasidagi do`stona munosabatlar mazkur
masala bo`yicha namuna bo`la oladi. Fors-tojik adabiyotini Abdurahmon Jomiy o`zining
«Haft   avrang»   va   «Bahoriston»   asarlari   bilan   haqli   ravishda   yuksak   cho`qqiga   olib
chiqqan   bo`lsa,   Husayn   Voiz   Koshifiy   o`zining   «Kalila   va   Dimna»     (qayta   ishlaydi).
«Anvori Suhayliy», Davlatshoh Samarqandiy, «tazkirat-ul shuaro» asarlari bilan mavjud
ana'analarini takomillashtirdi. XV-XVI asrlarda fors-tojik adabiyotini Zayniddin Vosifiy
«Bedoe-ul vaqoe», Binoiy, Hiloliy, Abduruhmon mushfiqiy «Taqsimi meros» asarlari bilan
takomillashtirilgan bo`lsa, XVII asrda asli hunarmand bo`lgan Mulham Buxoriy, Fitrat
Zardo`zi   Samarqandiy,  Sayido   Nasafiylar   alohida   salohiyatga   ega   bo`ladilar. Ayniqsa,
Sayido Nasafiy hayvonlar timsolida ijtimoiy hayotni real tasvirlashga intildi. Masal janrida
yaratilgan  «Hayvonotnoma»  asarining   tili   sodda,   vazni   o`ynoqi,   mazmunan   tushanarli.
Sher   va   chumoli,   navvoy   va   musavvir   siymolarida   shoir   tazod,   tarse',   jonlantirish,
mubolag`a  san'atlaridan unumli foydalanadi. XVIII-XIX asrlar tojik she'riyatida Mirzo
Qodir Bedil ijodining ahamiyati katta. Uning she'rlarida tasavvufiy g`oyalar barobarida
zamonaning   mavjud   hayoti,   odamlar   orasidagi   har   xil   munosabatlar   ishonarli   tarzda
ifodasini topgan. Ayni shu davrga kelib qariyb shakllanib bo`lgan tojik adabiyotida g`azal,
ruboiy, qit'a, masnaviy, qasida, dostton, nasriy memuarlar- tamsiliy asarlar, tazkira kabi
ko`plab   janrlarda   ijod   etildi.   Tojik   ma'rifatparvarlik   adabiyotini   yalovbardori-Ahmad
Donish,   Xuddi   Mirzo   Fatali   Oxundov,   Abay   Qo`nonboev,   Furqat,   Zavqiy   kabi   ziyo
tarqatishga   bel   bog`lagan  Ahmad   Donish   xalqni   g`aflatdan   uyg`otib,   atrofga   teranroq
nigoh bilan qarishga, ilm olishga undaydi. Keyinchalik uning g`oyalarini Savdo, Shohin,
Vozeh, Hayrat, Asiriy, Sadriddin Ayniylar davom ettirishdi.
Sho`ro davrida tojik adabiyotining yetakchi janri she'riyat bo`ldi. Sadriddin Ayniy,
Po`lat Sulaymoniy, Majid Rahimiy, Lohutiylar turli ijtimoiy masalalarni kuylashga harakat
qildilar.  «Buxoro   jallodlari»,   «Odina»,   «Qullar»   asarlari   bilan     Sadriddin  Ayniy   tojik
nasrchiligini   boshladi,   desak   muboag`a   bo`lmaydi.   Maksim   Gorkiy,   Mayakovskiy,
Sadriddin   ayniy,   Lohutiylarning   adabiy   maktabida   tarbiya   olgan   M.Tursunzoda,
A.Dehotiy,   H.Yusufiy,   M.Mirshakar,   R.Jalil,   J.Ikromiy,   S.Ulug`zoda,   F.Niyoziy,   B.
Rahimzoda kabi iste'dodli qalamkashlar adabiyot maydoniga kirib keldi.
Fashizmga   qarshi   kurash   yillarida   Sadriddin   Ayniy   «Temur   Malik»,   Lohutiy
«Tayanch g`alabasi», «Mardiston dostoni», Tursunzoda «Vatan o`g`li», Mirshakar «Baxt
kaliti», Niyoziy «Vafo», «Ulug`zoda «O`tda», Ikromiy «Nodiraning uyi» asrlarini yozdi.
1950-yillardan so`ng tojik adabiyoti yangi ovozlar bilan boyidi. Shukuhiy, mirzo,
Ansoriy,   Farhat,   F.Muhammadiev,   B.Ortiqov   singshari   o`nlab   shoir,   dramaturg,
yozuvchilar   ustozlar   an'anasini   davom  ettirishdi.   Bundan   tashqari,   Sayfi   Saroyi,   Qutb,
Alisher Navoiy, Hamza, Asqad Muxtor, Sharof Rashidov, Abdulla Qahhor, Oybek kabi
5

---

Aim.uz
o`zbek   mutafakkir,   adiblarining   asarlari   tojik   tiliga   o`girildi.   Shu   barobarda   o`zbek
kitobxonlari Lohutiyning «Yevropa safari», «Baxt parisi», Mirzo Tursunzodaning «Hasan
aravakash», «Hindiston qissasi», R.Jalilning «Po`lod va Gulru», Jallol Ikromiyning «Olov
qizi», Sotim Ulug`zodaning «Yoshligimiz tongi» asarlaridan bahramand bo`lishdi.