O’zbеkistоn rеspublikаsi хаlq tа`limi vаzirligi

CHINGIZ AYTMATOV
Qirg`iz adabiyotini yangi pog`onaga olib chiqqan yozuvchi, jamota arbobi Chingiz
Aytmatov   1928-yilda   Sheker   qishlog`ida   tug`ilgan.   O`rta   maktabni   bitirgach,   qishloq
xo`jaligi   institutining   zootexnika   fakultetida   o`qiydi.   Uning   1952-yilda   kichik-kichik
hikoya va  povest, ocherklar yozishdan boshlangan.
«Yuzma-yuz»,  (1957),  «Jamila»  (1958),  «Birinchi  muallim»  (1960),  «Sarvqomat
dilbarim» «1961», «Bo`tako`z», «Somon yo`li («Momo yer»)» (1963) asarlari o`sha vaqt
nasrida olamshumul o`nglanish edi. Sho`ro davrida adib o`zining «Tog`lar va dashtlar
qissasi»   asari   uchun   davlatning   eng   oliy   mukofotiga   sazovor   bo`lgan   edi.     Chingiz
Aytmatov     1979-1980-yillar   orasida   «Asrga   tatigulik   kun»,   «Qiyomat»   asarlarini
kitobxonlarga   taqdim   etib,   unda   o`zining   og`ir   kechgan   bolalik   yillarini   jo   eta   oldi.
Ma'lumki,   adibning   otasi   To`raqul   Aytmatov   o`z   vaqtida   sho`ro   hukumatining   turli
idoraladida mas'ul lavozimlarda ishlagan. Qatag`onning 30-yillarida uni qamoqqa olishadi
va yo`q qilishadi. Odamlarni, hayotni g`oyat yaxshi bilgan va chin yurakdan sevgan adib
o`z   asrlarida   kishilar   uchun   juda   aziz,   juda   zarur   bo`lgan   tuyg`ularni,   holatlarini,
mavzularni qalamga oladi. Adib asarlarida oddiy mehnat kishilari-ishchilar, chorvadorlar,
dengizchilar, ziyolilarning obrazlarini chizadi.   Lekin jamiyat faqat shulardangina iborat
emas.  Atrofimizda   oddiy   temiryo`lchi   bilan   birga   tekinxo`rlar,   o`z   mehnati   bilan   kun
kechiradigan dehqon, yuk tashuvchi, kosib, sut sog`uvchi, paxtakor, oshpaz, nonvoy bilan
yonma-yon   kasb-korining   tayini   bo`lmagan   fosiq,   aroqxo`r,   tovlamachi,   firibgar,
muttahamlar ham yetarlicha topiladi. Bundan ko`z yumib bo`lmaydi. Ularning o`z nuqtai
nazari,   a'mollari,     o`z   e'tiqodlari,   o`z   manfaatlari   bor.  U   qanday   din,   mazhab,   siyosiy
ijtimoiy   guruh   yoki   partiyalarga   mansubligidan   qat'iy   nazar,   shafqatli   va   shafqatsiz
diyonatli   va   diyonatsiz,   insofli   va   insofsiz,   oliyjanob   va   qabih,   samimiy   va   manfur
odamlarni ko`radi.
«Asrga tatigulik kun» romanida voqealar asosan Sario`zak cho`lida, Bo`ronli temir
yo`l bekatida bo`lib o`tadi. Gap butun ongli hayotini bekatda oddiy temiryo`lchi bo`lib
yashagan   Kazangapni   vafotidan   so`ng   dafn   etish   taraddudlari   tasviri   bilan   boshlanib,
romanning nihoyasida sarosim musibat bilan tugaydi. 
«Qiyomat»   da   Akbara   bilan   Toshchaynar   romanining   deyarli   barcha   syujet
chiziqlarini bir-biriga bog`langan asosiy qoplovchi syujet-vosita bo`lsa, «Asrga tatigulik
kun» da  Qoranor mazkur vazifani bajaradi.
Shirali, favqulodda o`ziga xos maroqli va jozibador usul-uslub: o`tmish manzaralari, xalq
donishmandligi, hikmatlar bilan omuxta qilingan real voqelik lavhalari, o`zicha olganda
aqlni   lol   qilishdan   yiroq   bo`lgan   odmi-jo`n   turmush   tarzining   tafsilotlari   bilan
«to`ldirilgan»,   «bezatilgan»,   «tasdiqlangan»   rivoyatlar   muallifining   hikoya   qilish
samimiyatini   ta'minlaydi.   Romanda   har   xil   tiplar,   turli-tuman   xarakatlar   yaratilgan.
Kazangap-oqil, Edigey-sobit, Nayman ona- buyuk jabrdiyda, Oyzoda-mushtipar, Sobitjon-
vaysaqi,   leytenant   Tansiqboev-g`irt   to`pori.   Har   bir   personajning   o`z   xulq-atvori,   o`z
e'tiqodi va falsafasi, o`z manfaati va ichki dunyosi tabiiy ishonarli tarzda ochib berilgan.
«Qiyomat» romanida Akbara bilan Toshchaynar, Iisus Xristos, Avdiy Kallistratov, Guram
Jo`xadze,   Bo`ston   O`rkunchiev,   Bolgariya   xor   kapellasi   bilan   bog`liq   voqea   va
manzaralarning har biri alohida roman, qissa va hikoyalarga arzigulik syujet bo`la oladi.
Chingiz  Aytmatovning   ijodi-yangicha  tafakkur  tarzining  samarasi  o`laroq,  o`ziga
nisbatan ongli munosabat, idrok, saviya va  yuksak madaniyat sohibi bo`lishni talab etadi.
Uning asarlariga eskicha andoza yo sxema bilan yondashib bo`lmaydi.
31

---

Aim.uz
Chingiz   aytmatov   o`zbek   xalqiga   juda   ko`ngli   yaqin   yozuvchi.   U   qo`li   qadoq
xalqimizning taqdir va qismatiga munosabatdosh, uning baxtiga sarafroz, tashvishlariga
teng sherik, musibatiga qayg`udosh. O`zini o`zbekka o`zbekning o`z farzandiday yaqin
oladi.