O’zbеkistоn rеspublikаsi хаlq tа`limi vаzirligi

O`LJAS SULAYMON (1936 YILDA TUG`ILGAN)
Zamonaviy qozoq adabiyotining yetuk vakili O`ljas Sulaymon 1936-yil 18-mayda
Olma   Ota   shahrida   tug`ilgan.   Uning   otasi   harbiy   xizmatchi   edi.   O`rta   ta'limni   rus
maktabida   olgan   O`ljas   Qozog`iston   Davlat   Universitetining   geologiya   fakultetiga
o`qishga   kirdi.  Badiiy   ijodga   bo`lgan   qiziqish   uni  1961   yil  Maksim  Gorkiy   nomidagi
adabiyot   institutiga   yetakladi.   1962-1971-yillar   orasida   u   «Qozog`im»   studiyasi   bosh
muharriri, «Prostor» jurnali bo`lim mudiri, 1972-yildan boshlab Qozog`iston Yozuvchilar
uyushmasi  kotibi, Qozog`istonning  Italiyadagi  elchisi sifatida faoliyat ko`rsatdi. O`ljas
Sulaymon   qozoq   xalqiga   xos   milliy   xususiyatlarni,   urf-odatlarni,   shonli   va   og`riqli
nuqtalarni   yaxshi   biladi.   Shu   bois   uning   asrida   qozoq   xalqining   milliy   ruhi   teran
ifodalanadi.. 1961-yilda shoirning ilk asari- «Arg`umoqlar» chop etildi. Shundan so`ng
«Quyoshli   tunlar»,   «Ajoyib   tun»,   «Sharofatli   vaqtlar»,   «Maymun   yili»,   «Loy   kitob»,
«Olovning ko`chishi», «Yumaloq yulduz», «Az i Ya» kabi o`nlab she'riy, nasriy, ilmiy
kitoblari nashrdan chiqdi.
O`ljas Sulaymonning badiiy asarlarida qozoqning o`ziga xos turmush tarzi, o`y-
fikrlari, his-tuyg`ulari aks ettirilsa, ilmiy asarlarida turkiy xalqlarning dunyo madaniyati
taraqqiyotidagi ulkan o`rni tarixiy dalillar asnosida ko`rsatilgan.
«Az   i   ya»   asari  Yevropaparastlar   aytganiday,  turkiylar   yovvoyi   va   madaniyatsiz
qavm emas, balki dunyoning eng qadimiy millatlaridan biri ekanini isbotladi.
O`ljas Sulaymonning «Qoyilmisan, insonga zamin» deb nomlangan dostoni inson
imkoniyatlari   va   irodasi   haqida   bitilgan   madhiya   yanglig`   dunyoga   yangradi.   Unda
27

---

Aim.uz
koinotni   zabt   etgan   va   jahon   taqdirida   yangi   bosqichni   boshlab   bergan   odamzot
to`g`risidagi mushohadalar g`oyat ta'sirchan ifodalangan.
Shoir   she'riyatidagi   qahramon   g`ururli,   o`z   qadrini   biladigan,   ayni   vaqtda
o`zgalarning ham hurmatini joyiga qo`yadigan shaxsdir.
Ular fe'li keng, tanti, falsafiy mushohadalarga moyil, chapani va jo`mard kishilar sifatida
yorqin bo`yoqlar, kuchli she'riy timsollar vositasida jozibador tasvirlangan.
Arg`umoq (Azim Suyun tarjimasi)
Yilqisi bilan mashhur,
Qadim qipchoq yerida.
Oqib boradi uyub,
Kuygan o`tlar selida.
Tomirimda qaynar qon,
Tulporidan saylab ber.
Eldiray misli bo`ron,
Ostin-ustun bo`lsin yer.
Ellar alanga olsin,
 Arg`umoqning qonida.
Qiyoq, alaflar qolsin,
Tuyoqlar to`zonida.
Yashash, kurash nimadir,
Bilib qo`ysin arg`umoq.
Jasorat bizda taqdir,
Guldirab ketsin so`qmoq.