O’zbekiston respublikasi davlat soliq qo’mitasi

Tovar ishlab chiqarish - maxsulot sotish uchun, bozor uchun yaratiladigan va rivojlanuvchan ishlab chiqarishdir.
Tovar ishlab chiqarishning mavjud bo’lishi va rivojlanish shartlari ijtimoiy mexnat taqsimoti va xar xil erkin mulk shakllarining mavjud bo’lishi.
Tovar - sotish uchun ishlab chiqarilgan maxsulotdir. U iste’mol qiymat va qiymat-ning birligidir.
Tovarning iste’mol qiymati - kishining biror bir extiyojini qondirish xususiyati bo’lib, u tovar almashinuvining sababidir.
Tovarning qiymati - uni yaratish uchun ketgan ijtimoiy mexnat bo’lib, u tovar almashinuv qiymatining asosidir.
Konkret (aniq) mexnat - mexnatning sodir bo’lish shakli bo’lib, u tovarning muayyan iste’mol qiymatini xosil qiladi.
Abstrakt (mavxum) mexnat - umuman inson ish kuchining sarflanishi bo’lib, tovar qiymatini xosil qiladi.
Tovar qiymatining miqdori - tovarda mujassamlangan ijtimoiy mexnat xajmi bo’lib, tovar baxosining asosidir.
Tovarning baxosi - tovar qiymatining talab-taklif va boshqa omillar ta’sirida shakllangan pul ko’rinishidir.
Pul - umumiy ekvivalent bo’lib, u xamma tovarlarga tenglashadigan va ayirboshla-nadigan aloxida tovardir.
Pulning paydo bo’lishi - tovar ayirboshlashning tarixiy taraqqiyoti natijasi bo’lib, oltin-kumushlar pulga aylangan.
Qog’oz pul – o’z qiymatiga ega bo’lmagan xolda, qonuniy kuchga ega ayrim funktsiyalarini bajaradigan pul belgisidir.
Qiymat o’lchovi - pul vositasida tovarning baxosi aniklanadi . Milliy pul birliklari baxo o’lchovi bo’lib xizmat kiladi.
Muomala vositasi - pul vositasida tovarlar ayirboshlanadi.(sotiladi, olinadi).
Jamg’arish vositasi - pul vositasida boylik to’planadi. Bunda pulning qadri me’yorida bulishi nazarda tutiladi.
Pulning qadrsizlanishi - pulning xarid kobiliyati pasayishi, baxolarning oshib ketishi bo’lib, bu inflyatsiya deyiladi.