O’zbekistоn respublikasi axbоrоt texnоlоgiyalari va kоmmunikatsiyalarini rivоjlantirish vazirligi

Mobil ilova uchun ma’lumotlarni to’plash

Companion dasturining joriy versiyasida O’zbekistonning to’rtta shaharidagi 150 dan ortiq obyektlar haqida ma’lumotlar yig’ilgan. Ular 5 ta guruhga ajratilgan: mehmonxonalar, restoranlar, muzeylar, tarixiy obidalar va bog’lar.
Dasturni yaratish uchun sarflangan vaqtning 1/3 qismi ushbu ma’lumotlarni to’plashga ketdi. Obyektlar haqidagi ma’lumotlarni uch tilda bo’lishi, ushbu vazifani yanada murakkablashtirdi. Bunga qaramasdan, men bu vazifani uddasidan chiqdim va kerakli natijaga erishdim.



14-rasm. Obyektlar guruhi menyusi.

Dastur uchun ma’lumotlarni yig’ishni Toshkent shahridan boshladim. Siz asosiy oynada Toshkentni tanlaganingizda, dastur 14-rasmda ko’rsatilgan oynaga o’tadi. Ushbu ro’yxatda birinchi bo’lib mehmonxonalar keltirilgan. Siz ushbu bo’limni tanlaganingizda, sizga Toshkentning eng yetakchi o’nta mehmonxonasini o’zida jamlagan ro’yxat ko’rsatiladi. Ushbu mehmonxonalar orasida Radisson Blu Hotel Tashent, Ramada Tashkent, Wynham Tashkent va Hotel Uzbekistan kabi dunyoga mashhur mehmonxonalar keltirilgan. Ushbu mehmonxonalar haqida ma’lumot yig’ishda men bevosita mehmonxonalar saytlaridan foydalandim (15-rasm).

15-rasm. Radisson Blu Hotel Tashkent ning sayti.

Biron-bir mehmonxonani tanlaganingizdan so’ng, mehmonxona saytidan olingan ma’lumot sizni e’tiboringizga taqdim etilda. U ma’lumotdan foydalanib siz mehmonxona haqida ma’lumotlarga ega bo’lishingiz mumkin. Mehmonxona qanday xonalarni taklif qiladi, qanday restoranlarga va boshqa servislarga ega ekanini siz u yerdan o’qib, bilib olishingiz mumkin.

Oynaning pastki qismida mehmonxona manzili va uning telefon raqami keltirilgan. Bundan tashqari u yerda xaritaning belgisi mavjud. Uni bosgan holda siz Google xaritaga o’tib, mehmonxonaning joylashuvini ko’rishingiz mumkin.
Keyingi bo’lim Restoranlar bo’limi. U yerda siz Toshkentning eng mashhur restoranlarini topasiz. Restoranlar bo’limida o’zimizning milliy restoranlardan tortib Italia restoranlari va dunyoning boshqa davatlari restoranlari ham topishingiz mumkin. Ushbu ma’lumotlarni to’plashda turli saytlardagi foydalanuvchilarning fikrini inobatga oldim, va eng yuqori reytingga ega restoranlarni qo’shdim. Ushbu bo’limdagi rasmlarning ba’zilarini o’sha restoranlarga borib, o’zim suratga oldim. Qolganlarini esa internetdagi saytlardan oldim. U yerda restoran haqidagi xo’randalar fikri ham keltirilgan.
Toshkentda bir qator nihoyatda ajoyib muzeylar mavjuda. Ulardan bir nechtasi Muzeylar bo’limida keltirilgan. U yerda tarixiy muzeylar, san’at muzeylari, adabiyot muzeyi va boshqa turli muzeylar mavjud. Temuriylar tarixi davlat muzeyi, O’zbekiston tarixi davlat muzeyi kabi muzeylar ushbu bo’limdan joy egallagan.
O’zbekistonga sayyohlar tarixiy obidalarimizni ko’rish maqsadida kelishadi. O’zbekistonning afsonaviy tarixiy obidalarining aksariyat qismi Samarqand, Buxoro va Xorazm viloyatlarida bo’lishiga qaramasdan, Toshkentda ham bir qancha tarixiy obidalar mavjud. Ularga Shayx Zayniddin Buva maqbarasi, Baroqxon madrasasi, Ko’kaldosh madrasasi kabi tarixiy obidalar kiradi. Ular haqidagi ma’lumotlar Tarixiy obidalar bo’limida keltirilgan.
Toshkentda dam olish uchun bir necha so’lim istirohat bog’lari mavjud. Ularga G’ofur G’ulom nomidagi istirohat bog’i, Alisher Navoiy nomidagi O’zbekiston milliy bog’i, Toshkent hayvonat bog’i va boshqa bog’lar misol bo’la oladi. Ular haqidagi ma’lumotlarni, ularda qanday o’ziga xos jihatlar borligini va ularning joylashuvi va telefon raqamlarini Bog’lar bo’limidan topishingiz mumkin. Ushbu bo’limdagi rasmlarning ko’p qismini shaxsan o’zim, bog’larga borib suratga tushirganman. Bu rasmlarda bog’larning o’ziga xos jihatlarini ko’rsatishga harakat qildim.



16-rasm. Companion dasturida O’zbekistonning tarixiy obidalari.
Yuqorida keltirilgan jarayon qolgan uchta viloyat uchun ham bajarildi. Bunda men ma’lumot yig’ish uchun internet tarmog’idan foydalandim.

5.