O‘zbekiston respublikasi axborot texnologiyalari va kommunikatsiyalarni rivojlantirish vazirligi

Zahiriddin Muhammad Bobur

Buyuk sarkarda, shoir va olim Zahiriddin Muhammad Bobur 1483-yil 14-fevralda Andijon shahrida tug‘ilgan. Uning otasi Umarshayx Amir Temurning nabirasi bo‘lib, Farg‘ona viloyatining hukmdori edi. Yosh Bobur o‘z zamonasining ilm-ma’rifatini, san’atini havas bilan o‘rgandi. 1495-yilda Boburning otasi bevaqt vafot etgach, u 12 yoshida taxtga o‘tirdi.

Bobur 1514-yilda Shayboniyxonning qattiq zarbasiga uchradi va qolgan oz lashkari bilan Afg‘onistonga jo‘nadi, u yerda o‘z hukmronligini o‘rnatdi. 1519-26 – yillarda Hindiston tarixida «Boburiylar imperiyasi» (Buyuk mo‘g‘ul imperiyasi) deb nom olgan davlatga asos soldi.

Bobur katta davlat arbobi va sarkarda, shuningdek, iste’dodli olim va shoir ham edi. U o‘z adabiyotlarida Alisher Navoiy an’analarini davom ettiradi. Uning «Boburnoma» nomli memuar asari juda mashhurdir. Unda Sharq tarixiga, geografiyasiga, xalq urf-odatlariga va boshqa masalalariga doir qimmatli ma’lumotlar ko‘p.

Zahiriddin Muhammad Bobur 47 yoshida Hindistonning Agra shahrida vafog etgan. Vasiyatiga ko‘ra uning jasadi Qobulga olib kelib dafn etilgan.