O‘zbekiston respublikasi axborot texnologiyalari va kommunikatsiyalarni rivojlantirish vazirligi

Oltin fasl

Jonajon o‘lkamizning to‘rtala fasli ham bir-biridan go‘zal, bir-birdan maftunkor. Har bir faslning o‘z xislati, o‘ziga maftun qiladigan fazilatlari bor.

Yurtimizda kuzning boshida kunlar issiq bo‘ladi. Osmon bulutsiz, kunlar quyoshli bo‘ladi. Daraxtlarning barglari sarg‘aya boshlaydi, faslning o‘rtalariga kelib, ko‘pgina daraxtlar oltin libosga burkanadi, Bu davr «oltin kuz deyiladi. U go‘zallikka, mo‘l-ko‘lchilikka boy. Meva va uzumlar, sabzavot, poliz ekinlari va paxta yig‘ila boshlaydi. Quyosh borgan sari kamroq isitib, kunlar soviy boshlaydi. Qushlar issiq o‘lkalarga uchib ketadi. Kunlar qisqaradi. Kech kuzda ko‘pincha osmon bulut bilan qoplanadi. Yomg‘ir yog‘adi, ba’zan yomg‘ir qorga aylanadi. Kuz oxirida yig‘im-terim tugagach, yerga o‘g‘it solinib, haydaladi. Bog‘ va xiyobonlarda, shahar va qishloq ko‘chalarida daraxt ko‘chatlari o‘tqaziladi. Kunlar sovugach, qarg‘a, zag‘chalar uchib keladi.