Registon
Samarqanddagi Registon majmuasi uchta salobatli binodan tashkil topgan. Bular: Ulug‘bek madrasasi, Sherdor va Tillakori madrasalaridir.
Ulug‘bek madrasasi 1407-yilda barpo etilgan. Bu bino Ulug‘bek qurdirgan madrasalarning eng kattasi va eng hashamatlisi edi. Madrasada diniy fanlardan tashqari, turli amaliy fanlar ham o‘rganiladi. Bu yer o‘z davrida ilm-fanning yirik markazi bo‘lgan. Madrasada mashhur olimlar, jumladan, Ulug‘bekning o‘zi ham dars bergan.
Sherdor madrasasi 1619-1636 – yillarda Samarqand hukmdori Yalango‘sh Bahodirning topshirig‘i bilan qurilgan. Bahaybat peshtoq tepasida sher va ohular rasmi solingani uchun, Sherdor madrasasi deb atalgan. Madrasa o‘z davrining ilmiy, diniy markazi bo‘lgan.
Tillakori madrasasi 1647-1660 – yillarda qurilgan. U zarhal naqshlar bilan ishlangani uchun shunday nom olgan. Bu madrasa qurilish bilan Registon majmuasi mukammal shakl olgan.
Hozirgi kunda bu uchala madrasa binosi qayta tiklandi.
Buxoro
Buxoro O‘rta Osiyoning ko‘hna shaharlaridan biridir. Bu shahar bundan 2300 yil muqaddam Zarafshon vodiysining quyi qismida qad ko‘targan. Dastavval daryoning Zarirud nomli quyi tarmog‘ining ikki sohilida paydo bo‘lgan. Qishloqning tevarak-atrofi qadimda nihoyatda xushmanzara edi. Butun vodiy bo‘ylab atrofni qoplab yotgan qalin daraxtzor va to‘qaylarda turli-tuman yovvoyi hayvonlar hamda ajoyib qushlar bo‘lgan. Shuning uchun bu o‘lkani «Bug‘-oro», ya’ni «Tangri jamoli» deb atashgan.
Ismoil Samoniy madrasasi (IX-X asrlar), Chashman Ayyub maqbarasi (XII asr), Nomozgoh masjidi (XIV, XVI asrlar), Buyon Qulixon maqbarasi (XIV asr), Ulug‘bek madrasasi (1417-yil), Masjidi Kalon (1514), Mir Arab madrasasi (1530), Ko‘kaldosh madrasasi (1578 yil), Sitorayi Mohi Xosa saroyi va boshqalar Buxoroning dovrug‘ini jahonga taratgan,
Buxoro O‘zbekistonning madaniy va obod shaharlaridan biri bo‘lib qoldi.
Toshkent
Men Toshkent shahrida tug‘ilganman. Bu shahar men uchun juda qadrdon. U qadimiy va shu bilan birga navqiron shahar. Toshkent – O‘zbekiston poytaxti.
U bundan 2300 yil burun tashkil topgan. Qadimda uni Shosh deb atashgan.
Toshkentda juda ko‘p tarixiy obidalar mavjud. Bular Ko‘kaldosh madrasasi, Shayhantovur, Zangiota, Xasti imom kabi madrasalar bor.
Ularni xalqimiz asrab-avaylab saqlagan. Toshkentda katta-katta ko‘chalar, istirohat bog‘lari, ajoyib binolar, chiroyli favvoralar bor.
Havo darvozasi bo‘lmish sayrgohdan shaharga eltuvchi ko‘chaning nomi Bobur deb ataladi. Bobur ko‘chasida baland-baland binolar, o‘quv yurtlari, savdo markazi bor.
Toshkentning markaziy ko‘chalaridan yana biri Navoiy ko‘chasidir. Keng va obod Navoiy ko‘chasida O‘zbek Milliy drama teatri, Navoiy nomli adabiyot muzeyi, «Zangori ekran» markazi, sirk va boshqa juda ko‘p diqqatga sazovor joylar bor.
Do'stlaringiz bilan baham: |