O‘zbеkiston rеspublikasi axborot tеxnologiyalari va kommunikatsiyalarini rivojlantirish vazirligi muhammad al-xorazmiy nomidagi toshkеnt axborot tеxnologiyalari univеrsitеti samarqand filiali

Ma’lumotlarni standart turlari – barcha dasturlash tillarida aniqlangan, boshqa ixtiyoriy tur shularning ma’lum kombinasiyalari orqali aniqlanadi. Bular
butun, /haqiqiy, mantiqiy, belgili (simvol), ko’rsatkichli turlardir.
Butun tur – bu butun sonlar to’plamini qandaydir qism to’plamini ifodalab, uning qiymatlar sohasi kompyuter konfigurasiyasiga bog’liq ravishda o’zgarib turadi.
Haqiqiy tur – mazkur turga kasr qismlari bor chekli sonlar to’plami kiradi. To’plamni chekli bo’lish sharti kompyuterda sonlarni ifodalash chegaralanganligi bilan bog’liq.
Mantiqiy tur - mazkur tur mantiqiy mulohazalarni to’g’ri yoki noto’g’riliginii aniqlash uchun ishlatilib, ushbu turdagi o’zgaruvchi 2 ta qiymatdan faqatgina bittasini qabul qiladi: 0 (false) yoki 1 (true).
Belgili tur – mazkur tur o’zgaruvchilari belgili qiymatlarni qabul qilishadi, masalan, harflar, raqamlar, matematik belgilar va boshqalar. Ular tartiblangan bo’lib, har biriga ASCII kodida ma’lum bir son mos qo’yiladi.
Ko’rsatkichli tur – bu tur o’zgaruvchilari ma’lumotlarni ko’rsatkichlari yoki manzillari (adres) to’plamini namoyon qiladi, ya’ni ko’rsatkichlar ma’lumotlarni emas balki bu ma’lumotlar joylashgan xotiradagi manzilni o’z ichiga oladi.
Vektor – bu eng sodda statik va chiziqli tartiblangan tuzilma bo’lib, uning elementlari bir turga tegishli hamda operativ xotirada ketma-ket kelgan yacheykalarda joylashadi.
Massiv - elementlari bir turga tegishli, ketma-ket joylashgan va umumiy nomga ega bo’lgan tuzilmadir.
Yozuv – maydon deb ataluvchi chekli sondagi ma’lumotlar tuzilmasidir. Turli maydon o’zgaruvchilari turli turga tegishli bo’lishi mumkin.
Jadval - bu yozuvning chekli majmuasidir.
Kalit – bu yozuv identifikatori. Ushbu identifikatorni saqlash uchun maxsus maydon ajratiladi.
Qo’shma kalit – bu shunday kalitki, u ikkidan ortiq maydonni o’z ichiga oladi. Ro’yxat – bu bir turga tegishli bo’lgan elementlar ketma-ketligidir.
Ro’yxat uzunligi – bu ro’yxatni tashkil etuvchi elementlari soni. Umumiy holda ro’yxat elementlari soni chegaralanmagan va dastur bajarilishi mobaynida o’zgarib turishi mumkin mumkin.
OXKT- bu ommaviy xizmat ko’rsatish turlari bo’lib, ularga stek, navbat va deklar kiradi. Umuman olganda, ular tizimga kelib tushayotgan talablarga xizmat ko’rsatish tartibini aniqlab beradi.