O’zbekiston respublikasi axborot texnologiyalari va kommunikasiyalarini rivojlantirish vazirligi

12-bob bo’yicha nazorat savollari

1. 
   Dasturiy ta’minotni ishlab chiqish metodologiyasi deganda nimani tushunasiz?
   
2. 
   Rational Unified Process(RUP) metodologiyasi mazmunini aytib bering.
   
3. 
   Taxmin qilinadigan metodologiya haqida nimalar bilasiz?
   
4. 
   Adaptiv metodologiya deganda nimani tushunasiz.
   
5. 
   SCRUM iborasi nimani anglatadi.
   
6. 
   KANBAN nimani anglatadi?
   
7. 
   KANBAN metodologiyasining asosiy qoidalari nimalardan iborat?
   
8. 
   Rational Unified Process(RUP) metodologiyasining asosiy tamoyillarini aytib bering.
   
9. 
   To’liq mahsulotni ishlab chiqarish jarayoni necha bosqichdan iborat bo’ladi.
   
10. 
    RUP da nechta texnologik jarayon aniqlangan.
    

13. BOB. DASTURIY TA’MINOTNI TESTLASH VA TEKSHIRISH

§ 13.1. Testlash jarayonining maqsadlari

Dasturiy ta’minotni testlash (Software Testing) - dasturning real va kutilgan natijalari orasidagi moslikni ma’lum tartibda tanlangan chekli test to’plami (sun’iy tarzda tashkil etilgan vaziyatlar) asosida tekshirish.
Tekshirish (Verification) - bu tizimni yoki uning komponentlarini joriy bosqich boshida shakllantirilgan talablarga qanoatlantirishini baholash jarayonidir. Ya’ni joriy bosqichda loyihani ishlab chiqish uchun aniqlangan vazifalar, qo’yilgan maqsadlar, muddatlarni bajarilishidir.
Validasiya (Validation) - bu ishlab chiqilgan DTning kutilgan natijalarga va foydalanuvchi extiyojlariga, tizim talablariga mosligini aniqlash.
Testlashni rejalashtirish (Test Plan) - bu testlash bo’yicha bajarilishi kerak bo’lgan ishlarni qamrab olgan xujjat bo’lib, unda obyektni izohi, strategiyasi, jadvali, testlashni boshlash va tugatish bo’yicha mezonlarni, zarur bo’lishi mumkin bo’lgan qurilmalar, maxsus bilimlarni, hamda xavflarni baholash va ularni bartaraf etish variantlarni mavjudligini nazarda tutadi.