O‘zbekiston respublikasi axborot texnologiyalari va k ommunikatsiyalarini rivojlantirish vazirligi muhammad al-xorazmiy nomidagi toshkent axborot texnologiyalari

F.I.Sh.	Lavozimi
Vazifasi
1	Mahkamov Baxtiyor Shuxratovich	Rektor	Rais
2	Ernazarov Fayzullo Narzullaevich	Yoshlar bilan ishlash boʼyicha prorektor	Rais oʼrinbosari
3	Miryakubov Mirjamol Mirqodir o‘g‘li	Yoshlar bilan ishlash, maʼnaviyat va maʼrifat boʼlimi boshligʼi	Aʼzo
4	Yaxshibaev Doniyor Sultanbaevich	Kompyuter injiniringi fakulteti dekani	Aʼzo
5	Ruziboev Ortiq Baxtiyorovich	Dasturiy inginiringi fakulteti dekani	Aʼzo
6	Irgasheva Durdona Yakubdjanova	Kiberxavfsizlik fakulteti dekani	Aʼzo
7	Shaxobiddinov Alisher Shopatxiddinovich	Telekommunikatsiya texnologiyalari fakulteti dekani	Aʼzo
8	Nuraliev Faxriddin Murodillaevich	Televizion texnologiyalar fakulteti dekani	Aʼzo
9	Nosirov Xabibullo Xikmatillo o‘g‘li	Radio va mobil aloqa fakulteti dekani	Aʼzo
10	Sobirov Muzaffar Azatovich	AKT sohasida iqtisodiyot va menejment fakulteti dekani	Aʼzo
11	Igamberdiev Karimberdi Abdullaevich	AKT sohasida kasb ta’limi fakulteti dekani	Aʼzo
12	Pisetskiy Yuriy	TATU-BDIRU axborot texnologiyalari qo‘shma fakulteti dekani	Aʼzo
13	Habibullaev Orifxon Muhiddin o‘g‘li	Tyutor (ta’lim-tarbiya maslahatchilari)lar kengashi raisi	Aʼzo
14	Sultanova Hilola Jamoliddinovna	Xotin-qizlar kengashi raisi	Aʼzo
15	Normurodov Suhrob Vahobjon o‘g‘li	Yoshlar Ittifoqi boshlangʼich tashkiloti yetakchisi	Aʼzo
16	Rahimova Shahnoza Nuraddinovna	Yoshlar bilan ishlash, maʼnaviyat va maʼrifat boʼlimi uslubchisi	Kengash kotibi

Izoh: Kengash aʼzolari boshqa ishga oʼtgan taqdirda Kengash tarkibiga ushbu lavozimga yangi tayinlangan yoki vazifalar yuklatilgan shaxslar kiritiladi.

Universitet rektorining 2021-yil “___” ___________dagi ________-sonli buyrugʼiga 2-ilova

Muhammad al-Xorazmiy nomidagi Toshkent axborot texnologiyalari universiteti Maʼnaviyat va maʼrifat kengashi

N I Z O M I
I bob. Umumiy qoidalar

1. Muhammad al-Xorazmiy nomidagi Toshkent axborot texnologiyalari universiteti Maʼnaviyat va maʼrifat kengashi (bundan keyin matnda “Kengash” deb yuritiladi) mustaqil, oʼz-oʼzini boshqaruvchi nodavlat notijorat, noyuridik organ boʼlib, maʼnaviy, maʼrifiy, madaniy va boshqa ijtimoiy foydali maqsadlarni koʼzlaydi. U oʼz safida universitet buyrugʼi bilan tasdiqlangan rais, uning oʼrinbosari, masʼul kotib hamda institut masʼul xodimlari va rahbarlarini birlashtiradi.

2. Kengash jamoatchilik asosida taʼlim-tarbiya jarayonlarini qoʼllab-quvvatlash hamda oliy taʼlimni samarali tashkil etishda koʼmaklashish uchun tashkil etiladi. Kengash yuridik shaxs hisoblanmaydi.

4. Kengash oʼz faoliyatini Oʼzbekiston Respublikasining Konstitutsiyasi, Oʼzbekiston Respublikasining tegishli qonunlari va boshqa normativ-huquqiy hujjatlar, shuningdek, ushbu Nizom asosida amalga oshiradi.

5. Kengash ilovada keltirilgan aʼzolardan tashkil topib, ular tomonidan talabalarning maʼnaviy-axloqiy tarbiyasi va mafkuraviy immuniteti, pedagogik jamoadagi ijtimoiy-maʼnaviy muhit, professor-oʼqituvchilar va masʼul xodimlarning maʼnaviy qiyofasi masalalari koʼrib boriladi.

6. Kengash oʼz faoliyatida qonuniylik, ilmiy-maʼrifiylik, oshkoralik, ijtimoiy adolat va insonparvarlik tamoyillariga amal qiladi.

Kengash oʼz maqomiga koʼra, universitetda azaliy maʼnaviy qadriyatlarimizni, milliy tarbiyaviy merosimiz va anʼanalarimizni, ajdodlarimizning tarbiya sohasida erishgan ilgʼor tajribalarini hamda zamonaviy tarbiya texnologiyalarini uygʼunlashtirish va ommalashtirish, yoshlar tarbiyasi masalalari boʼyicha masʼuliyatini, faolligini kuchaytirishga qaratilgan amaliy tadbirlarni tashkil qiladi va ularda ishtirok etadi.

7. Kengashning toʼliq rasmiy nomi: Muhammad al-Xorazmiy nomidagi Toshkent axborot texnologiyalari universiteti Maʼnaviyat va maʼrifat kengashi.

8. Kengash faoliyatining muddati cheklanmagan.

9. Kengashning asosiy ishini universitetning Maʼnaviyat va maʼrifat kengashi tashkil etadi va nazoratini olib boradi.

Kengashning asosiy ishchi organi Muhammad al-Xorazmiy nomidagi Toshkent axborot texnologiyalari universiteti “Yoshlar bilan ishlash, maʼnaviyat va maʼrifat” boʼlimi hisoblanadi.