O‘zbеkistоn rеspublikasi aхbоrоt texnologiyalari va kоmmunikatsiyalarini rivojlantirish vazirligi

Yongʻinning oldini olish choralari. 
Kompyuterning ichida kamida 4 ta: elektr 
ta'minoti blokida, mikroprosessor ustida, vinchester rusumidagi diskda va 
videoprosessor ustida ventilyator borligining oʻzi kompyuterning qizib ketishi xavfi 
qanchalik kattaligini koʻrsatib turibdi. Ayniqsa, respublikamiz sharoitida bahor va 
yoz oylarida obi-havoning keskin isib ketishi, bu xavfni yanada oshiradi. 
Toʻgʻri, kompyuter uskunalarining qizib ketishi, koʻproq ularning ishdan 
chiqishiga olib kelsa-da, kuygan uskunalar elektr ta'minoti tizimida qisqa tutashuvga 
va yongʻinga sabab boʻlishlari mumkin. Kompyuterning qizib ketishining oldini 

---

olish uchun ularning korpusidagi ventilyasion teshiklarning berkilib qolishiga yoʻl 
qoʻymaslik kerak. Ularga havo oqimlarining bemalol bora olishi uchun kompyuterni 
devorga taqab qoʻyish, ularni saqlash uchun moʻljallangan temir qutilarda turgan 
holida ishlatish, kompyuter va monitor ustiga qogʻoz varaqlari, daftar va kitoblarni 
qoʻyish, kompyuter texnikasini changdan saqlash uchun maxsus tikilgan gʻiloflarni 
yigʻishtirmay ishlatish taqiqlanadi. 
Kompyuter texnikasining ashaddiy dushmani havodagi chang boʻlib, ular 
havoni kompyuter ichiga haydaydigan ventilyatorlar tufayli kompyuter ichida yigʻilib 
qoladilar, ventilyatorlarning oʻzini toʻxtab qolishiga olib keladilar, elektron 
uskunalar ustini qoplab, ularning tashqi muhitga issiqlik uzatish imkoniyatlarini 
kamaytirib, ularning kuyishiga olib keladilar. Havodagi changlar miqdorini 
kamaytirish uchun xonaning devorlari, poli va shifti, eshik va derazalarni b oʻyashda 
faqat moyli boʻyoqlar ishlatilishi kerak va suvli boʻyoqlardan bu maqsadda 
foydalanib boʻlmaydi. 
Odatda, kompyuter xonalarining derazalari va eshigi temir panjara bilan 
toʻsilgan boʻladi. Yongʻin xavfi tugʻilganda oʻquvchilarni tezda va turli yoʻllar bilan 
olib chiqish imkoni boʻlishi uchun deraza panjaralari qulf va kalit yordamida 
ochiladigan boʻlishlari kerak.