O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

Mavzu boʻyicha xulosalar

Jinoyat protsessida sudlovga tegishlilikning mazmun va mohiyati, uning turlari, jinoyat ishlari yurituvidagi ahamiyati va mazkur institutning boshqa jihatlari, xususan, jinoyat ishlari birlashtirilganda va ajratilganida tegishlilik, yuqori sudlarning quyi sudlardan ishlarni talab qilib olishganida tegishlilik kabi masalalar toʻgʻrisida bilim va koʻnikmalar shakllanishi zarur.

Muammoli savollar va kazuslar

1. Jinoyat ishlarining sudlovga tegishliligi tushunchasi va uning jinoyat protsessida ahamiyatini yoriting.
2. Sudlovga tegishlilik turlari: turdosh yoki predmetli, shaxsiga koʻra hududiy va mustasno sudlovga tegishlilikni tavsiflang.
3. Jinoyat ishlari birlashtirilganda ularning sudlovga tegishliligi belgilanishining oʻziga xos jihatlarini yoriting.
Kazus
Namangan viloyatida yashovchi T. 2002-yil 4-mart kuni shu viloyatning Pop tumanida istiqomat qiluvchi S.ning shaxsiy mulkini oʻgʻirlab JKning 169-moddasi 1-qismida nazarda tutilgan jinoyatni sodir etgan, shu oyning 18-kuni Jizzax viloyati Paxtakor tumanida yana oʻgʻirlik jinoyatini sodir etib, jabrlanuvchi T.ga uch million olti yuz ming soʻmlik zarar yetkazilgan. 24-aprel kuni Toshkent shahar Otchopar bozorida soʻmmasi uch yuz ming soʻmlik molni oʻgʻirlayotgan vaqtida Chilonzor tumani ichki ishlar boʻlimi xodimlari tomonidan qoʻlga olingan va tergov ishlari olib borilgan. Chilonzor tumani prokurori T.ning jinoyat ishlari ichida eng ogʻiri Jizzax viloyatida boʻlganligi uchun oʻsha viloyatning jinoyat ishlari boʻyicha sudi koʻrishi lozim deb hisoblab, jinoyat ishi materiallarini Jizzax viloyatiga joʻnatgan.
Prokurorning harakatiga baho bering? Hududiga koʻra sudlovga tegishlilikning mazmuni va mohiyati nimadan iborat?
XXIII BOB. JINOYAT ISHINI SUDDA KOʻRISH UCHUN TAYINLASH
(Muallif – yuridik fanlar doktori, professor G.Tulaganova)
Annotatsiya: mazkur mavzuni oʻrganish natijasida oʻquvchilar ushbu bosqichning ahamiyati, unda aniqlanishi lozim boʻlgan holatlar hamda chiqariladigan qarorlar, ishtirokchilarni ish materiallari bilan tanishtirish, ishlarni sudda koʻrish muddatlari haqidagi bilimlarga ega boʻladilar.