O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

Mavzu boʻyicha xulosalar

Mazkur mavzuni oʻrganishda oʻquvchilar dastlabki tergovni toʻxtatish asoslari, tartibi, qidiruv e’lon qilishi, dastlabki tergov toʻxtatilgan davrda tergovchi tomonidan amalga oshiriladigan harakatlari, toʻxtatilgan jinoyat ishi boʻyicha dastlabki tergovni qayta tiklash toʻgʻrisida bilimlarga ega boʻlishlari va mazkur bilimlarni tadbiq etish koʻnikmalarini shakllantirishlari lozim.

Muammoli savollar va kazuslar

1. Dastlabki tergovni toʻxtatishning qanday asoslari mavjud va ularning mohiyatini ochib bering?
2. Dastlabki tergovni qayta tiklash shartlari va protsessual tartibi nimalardan iborat?
3. Dastlabki tergovni toʻxtatishning protsessual tartibini tushuntiring?
4. Tergovchi tomonidan dastlabki tergovni toʻxtatishdan oldin va keyin qanday harakatlar amalga oshiriladi?


Kazus
12.07.2016-yilda gumon qilinuvchi O.Jurabekovga nisbatan Oʻzbekiston Respublikasi JKning 104-moddasi 2-qismi “e” bandida nazarda tutilgan jinoyatni sodir qilganlikda jinoyat ishi qoʻzgʻatilgan. Mazkur jinoyat ishi yuzasidan jabrlanuvchi tariqasida ishda ishtirok etishga jalb qilingan P.Doniyorov yurak xuruji tashxisi bilan kasalxonaga yotqiziladi. Tergovchi P.Pardayev esa uning kasalligini tez orada tuzalib ketadi deb oʻylaydi va gumon qilinuvchi O.Joʻrabekovga nisbatan yuritilayotgan jinoyat ishi yuzasidan dastlabki tergov muddatini toʻxtatish toʻgʻrisida qaror qabul qiladi. Tergovchi jinoyat ishi yurituvini toʻxtatgunga qadar faqatgina kechiktirib boʻlmaydigan tergov harakatlarini oʻtkazgan.
Mazkur holatni Oʻzbekiston Respublikasi jinoyat-protsessual qonunchiligi asosida tahlil qilgan holda huquqiy baho bering.

XIX BOB. DASTLABKI TERGOVNI TAMOMLASH

(Muallif – yuridik fanlar doktori, professor B.Pulatov)


Annotatsiya: mazkur mavzuning oʻquvchilar tomonidan oʻrganilishi dastlabki tergovni tamomlash tushunchasi, turlari va rasmiylashtiriladigan hujjatlar mazmun-mohiyatini aniqlab olishga; jinoyat ishini tugatish asoslarini aniqlash; jinoyat ishi tamomlangandan keyin jinoyat protsessining manfaatdor taraflari undagi materiallar bilan tanishib chiqish, iltimoslar qilish va ularni koʻrib chiqish tartibi qoidalarini bilish bilish imkonini beradi.