O‘zbekiston pochtasi

Samarqand filialida “O‘zbekiston pochtasi” AJ va uning tizimidagi filiallarda 2019 yilda qator ishlar amalga oshirilgan.

Jumladan, Samarqand filialida daromadni oshirish va xizmat doirasini kengaytirish maqsadida kommunal, uy-joy to‘lovlarni, telefon aloqasi to‘lovini va boshqa to‘lovlarni qabul qilish yo‘lga qo‘yilgan. SHuningdek filial tizimidagi 13 ta pochta ob’ektlarida Billing tizimi orqali telefon aloqasi to‘lovlarini, 5 ta pochta ob’ektlarida Paynet tizimi orqali uyali aloqa to‘lovlarini qabul qilish tashkil etilgan. 2018 yil mobaynida aholidan 39943,7 mln.so‘m kommunal to‘lovlar, 218,8  mln.so‘m telefon aloqasi to‘lovlari qabul qilingan.

“Kurьerlik xizmati”ni joriy etish bo‘yicha Samarqand shaxridagi Uyjoyjamg‘armabank, Paxtabank, Markaziy bank, Savdogarbank va Paxtabankning Siyob bo‘linmasi, viloyat xo‘jalik sudi bilan shartnomalar tuzilib, kurьerlik xizmati ko‘rsatilib kelinmoqda.

Filialning 7 ta pochta aloqa tarmoqlarida 14 ta “Matbuot” kioskalari faoliyat ko‘rsatmoqda va ular orqali marka, badiiy marka, davriy nashrlar, kanselyariya mahsulotlari, lotoreyalar sotuvi amalga oshirilmoqda.

Axborot-kommunikatsiya texnologiyalari asosida an’anaviy va noan’anaviy pochta xizmatini joriy etish maqsadida, filialning Urgut, Gulobod, Paxtachi, Oqtosh pochta aloqa tarmoqlarida va Samarqand shahrida 2 ta, jami 6 ta “Internet kafe”, 82 ta pochta aloqa ob’ektlarida elektron pul jo‘natmalari xizmati, shuningdek 10 ta pochta aloqa ob’ektlarida elektron pochta, faks, kseroks xizmatlari tashkil etilgan.

“Xalqaro tezkor pochta” (EMS) qo‘shimcha xizmat turlari, kommunal to‘lovlar qabul qilish, elektron pul jo‘natmalari xizmatini targ‘ib qilish va olinadigan daromadlarni ko‘paytirish maqsadida viloyat televideniyasi orqali reklamalar berilmoqda, shuningdek, viloyat nashriy ommaviy axborot vositalarida obuna to‘g‘risida reklamalar amalga oshirilmoqda.