O‘zbekiston pochtasi

2-jadval. “O‘zbekiston pochtasi” AJ Samarqand filiali bo‘yicha 2019 yil pochta jo‘natmalarini ayirboshlash ko‘rsatgichlari (ming dona)

№	Nomlari	2018 yil	2019 yil		% 2018 y.	% rejaga
			reja	fakt
1	YOzma xat-xabarlar	999,6	1000,3	1030,0	103	103
2	Pulli jo‘natmalar	54,9	58,8	59,0	108	100
3	Posilka	4,2	5,6	5,8	138	103
4	Pensiya	3538,0	3452,4	3383,0	96	98
5	Davriy nashrlar	5140,0	5192,0	5451,0	106	105
6	Telegramma	2,1		1,7	78	100
7	Halqaro so‘zlashuv	59,2	60,0	60,0	101	100

Axborot-kommunikatsiya va aloqa xizmatlari imkoniyatlarining o‘sib borish tendensiyasi O‘zbekistonga ham to‘la ma’noda tegishlidir. So‘nggi yillar mobaynida axborot-kommunikatsiya texnologiyalari bozorini rivojlantirish bo‘yicha sezilarli chora-tadbirlar amalga oshirildi.

Bugungi kunda “O‘zbekiston pochtasi” AJ Samarqand filiali axborot texnologiyalari rivojlanishining yutuqlariga tayangan holda respublikada mijozlarga xizmat ko‘rsatish tizimlarini yaratish va ishga tushirish ishlariga alohida e’tibor qaratmoqda.

Pochta sohani rivojlantirishdan asosiy maqsad AKT yutuqlarini to‘liq qo‘llash orqali turli ko‘rinishdagi axborotlarni uzatish bo‘yicha aholi va xalq xo‘jaligining ehtiyojlarini to‘la va yuqori sifatda qondirish va sohani yangi axborot texnologiyalariga asoslangan pochta xizmatlari ko‘rsatishdan iboratdir.

3-jadval. “O‘zbekiston pochtasi” AJ Samarqand filialining moliyaviy natijalari tahlili (ming so‘m)

№	Ko‘rsatkichlar	2018 y. fakt	2019 y.		nisbatan % da,
			reja	fakt	2018 y.	rejaga
1	Maxsulot sotishdan daromad	9 017 540	10 596 955	11 121 250	123	105
2	QQS	473 996	556 744	556 789	117	100
3	Sotishdan sof daromad	8 543 544	10 040 211	10 564 461	124	105
4	Ishlab chiqarish tannarxi	5975 537	7 360 717	7 505 665	126	102
5	Jami moliyaviy natija	2 568 007	2 679 494	3 058 796	119	114
6	Ma’muriy xarajatlar	396 308	452 026	453 017	114	100
7	Boshqa operatsion daromadlar	105 705	90 000	103 768	98	115
8	Boshqa operatsion xarajatlar	2 253 195	2 274 599	2 619 788	116	115
9	Umumiy xo‘jalik faoliyati rentabelligi	0,3	0,4	0,8	300	199
10	Sof foyda rentabelligi	0,0	0,2	0,4	2375	231

Bugungi kunda pochta korxonalarining samarali faoliyat ko‘rsatishi uchun sohada marketing va innovatsion faoliyatni rivojlantirish, yangi axborot kommunikatsiya texnologiyalari asosida xizmat ko‘rsatish, pochta xizmatlari diversifikatsiyasini kuchaytirish, sohada qo‘shimcha xizmat turlarini kengaytirish va raqobat muhitini hamda tadbirkorlik faoliyatini shakllantirish va rivojlantirishga keng yo‘l ochib berish asosiy ustuvor vazifalaridan hisoblanadi. CHunki aynan marketing va innovatsion faoliyatini rivojlantirish, yangi axborot kommunikatsiya texnologiyalarini joriy etish, xizmatlari diversifikatsiyasini kuchaytirish hamda tadbirkorlik faoliyatini rivojlantirish asosida mamlakatimiz iqtisodiyotini barcha tarmoqlarida ishlab chiqarish va xizmatlar ko‘rsatish samaradorligini oshirish orqali barqaror iqtisodiy o‘sishni ta’minlash va shu asosda aholi turmush farovonligini muttasil yaxshilab, mahalliy bozorlarni mahsulotlar va xizmatlar bilan to‘yintirib, iqtisodiy taraqqiyotning o‘sishiga imkoniyat beradi.

YUqorida keltirilganlarga asosan pochta sohasini rivojlantirish mamlakatning ijtimoiy vazifalarini bajarishni ta’minlaydi. Bu esa o‘z navbatida biz amalga oshirayotgan ilmiy ishning dolzarbligini belgilab beradi.

Ma’lumki, milliy iqtisodiyotni modernizatsiya qilish munosabati bilan pochta aloqa xizmatlari ko‘rsatish sifatini oshirish, mavjud iqtisodiy imkoniyatlardan oqilona foydalanish, asosiy vositalardan foydalanishning samaradorlik darajasini oshirish, mehnat unumdorligini har taraflama o‘stirish, kelgusida respublika aholisini zamonaviy axborot texnologiyalariga asoslangan pochta xizmatlarga bo‘lgan talablarini yanada chuqur o‘rganish, xalq farovonligini yanada yuksaltirishni ko‘zlab iqtisodiy tejashni kuchaytirish sohasidagi vazifalarni ommaviy hal qilish lozim. Bu ulug‘vor vazifalarni bajarish uchun har bir pochta korxonasi xo‘jalik faoliyatini atroflicha chuqur tahlil qilish asosida ichki xo‘jalik imkoniyatlaridan imkoni boricha yaxshiroq foydalanishga, kamroq xarajat qilib yuqori natijalarga erishishga, ilg‘or tajribalar va zamonaviy axborot texnologiyalariga asoslangan xizmatlarni joriy etishga, ish yuritish jarayonida ilg‘orlarning tashabbusini ommalashtirishga alohida e’tibor berish, xizmatlar sifat ko‘rsatkichlarini yaxshilashga erishish kerak.