O‘zbekiston pespublikasi oliy va o‘rta maxsus

O’yin kompetentsiyasi
– bolaning o’yin jarayoni va uni tashkil qilishda tajriba, 
bilim va ko’nikmalardan ijodiy foydalanishi. O’quv-tarbiyaviy faoliyat uchun asos 
hisoblanadi. 
Ijtimoiy kompetentsiya
– hayotiy vaziyatlarda kattalar va tengdoshlar bilan 
muloqotda axloq qoidalari va me’yorlariga rioya qilgan holda o’zini tutish 
mahorati. 
Bilish kompetentsiyasi
– atrofdagi olamni ongli ravishda idrok qilish va olingan 
bilim, ko’nikma, malaka va qadriyatlardan o’quv va amaliy vazifalarni hal qilish 
uchun foydalanish. 
 
Keyslar to’plami 
I. Keys bayoni 
Keys bayoni. 
Akmal jismoniy zaif. Maktabgacha ta’lim muassasalarida 
bolalar doim uning ustidan kulishadi, mazax qilishadi. Tarbiyachi undan biror 
narsani so‘rasa yoki she’rni yodlab, aytib berishni aytsa, u hayajon va qo‘rquvdan 
tutilib-tutilib gapiradi. Tarbiyachi uning bu holatini salbiy qabul qiladi va Akmalga 
shunday deydi: “O‘tir, senga biror-bir topshiriq ham berib bo‘lmaydi. Bunday 
holatda ertaga kim bo‘lasan?”
1.
Tarbiyachi tarbiyaning qanday tamoyilini buzyapti? 
2.
Sizningcha, tarbiyachi bu vaziyatda qanday yo‘l tutishi kerak? 
Manba:
“Maktabgacha ta’lim pedagogikasi”, “Maktabgacha ta’lim 
psixologiyasi” fanlaridan darslik, o‘quv qo‘llanma va materiallar. 
Tahlil:
1. Odatda jismonan zaif, tengdoshlari tomonidan kamsitiladigan bolalar 
kattalarning yordami, ko‘magiga muhtoj bo‘lishadi. Aks holda, ular o‘z 
nuqsonlaridan uyalish oqibatida, o‘ziga ishonchsiz, jur’atsiz va atrofdagilarga 
alamli munosabatda bo‘ladigan shaxs bo‘lib yetishadi.

---

2. Ko‘p hollarda bolalar zaif tengdoshlarining ustidan kulishga moyil 
bo‘lishadi. Bu ularning oilada va mikromuhitda olayotgan tarbiyasi bilan bog‘liq. 
Bolalarga yoshlikdanoq zaif tengdoshlari ustidan kulish emas, aksincha, unga 
yordam berish kerakligini uqtirib borish zarur. Aks holda ular kelgusida xudbin va 
shavqatsiz inson bo‘lib yetishishlari mumkin.