O'zbekiston Milliy Ensiklopediyasi indd

ЧЖЭНЧЖОУ — Хитойнинг шим. 
қисмидаги шаҳар, Буюк Хитой текис-
лигида. Хэнань провинциясининг маъ-
мурий маркази. Аҳолиси 6,1 млн. киши 
(1999). Транспорт йўллари чорраҳаси. 
Пахтачилик рнининг савдо маркази. Ма-
шинасозлик ва тўқимачилик саноатлари 
ривожланган. Қора ва рангли металлур-
гия, кимё, озиқ-овқат саноати корхона-
лари, университет бор. Шаҳар яқинидан 
тошкўмир ва темир рудаси қазиб олина-
ди. Қад. Хитойнинг металлургия тарихи 
музейи бор. 
ЧЖЭН ЧЭНГУН (Европа адабиё-
тида Коксинга) (1624-1662) Хитой сар-
кардаси. Савдогарлардан. 1646 й.дан 
манжурларнинг Цин сулоласига қарши 
кўтарилган курашда қатнашган. Бу давр-
да Цинларнинг ҳокимияти деярли бутун 
Хитой ҳудудига тарқалган эди. Фуцзянь, 
Гуандун ва Чжэцзян вилоятларининг 

---

www.ziyouz.com кутубхонаси
77
денгиз соҳил бўйи рнларида ўрнашиб ол-
ган Ч.Ч. манжурлардан Жан.Шарқий Хи-
тойнинг катта қисмини тортиб олган, ле-
кин 1659 й. Нанкин яқинида мағлубиятга 
учраган. 1661—62 й.ларда голланд му-
стамлакачиларини Тайвань о.дан қувиб 
чиқарган ва уни Цинларга қарши кураш 
маркази (базаси)га айлантрфган. Унинг 
ўғли ва набираси 1683 й.гача Тайванда 
ҳукмронлик қилишган, шу йили оролни 
Цин қўшинлари босиб олган.
ЧЖЭЦЗЯН — Хитойнинг шарқий 
қисмидаги провинция. Майд. 102 минг 
км2. Аҳолиси 44,5 млн. киши (1999). 
Маъмурий маркази — Ханчжоу ш. 
Иқтисодиётининг етакчи тармоғи — қ.х. 
Асосан, суғорма дехдончилик қилинади. 
Экинлардан йилига 2 марта ҳосил оли-
нади. Асосий экини — шоли. Шунинг-
дек, буғдой, маккажўхори, батат, пахта, 
жут, ер ёнғоқ, шакарқамиш экилади. 
Чой етиштириш бўйича мамлакатда 
1ўринда. Денгиздан балиқ овланади ва 
туз олинади. Ўрмон хўжалиги билан 
шуғулланилади. Темир рудаси, пирит, 
алунит, олтингугурт ва б. қазиб олина-
ди. Енгил ва озиқ-овқат саноатлари ри-
вожланган. Тўқимачилик, машинасозлик 
(кемасозлик ва станоксозлик) корхонала-
ри, чинни ва қоғоз фкалари бор. Йирик 
шаҳар ва портлари: Ханчжоу, Цзясин, 
Чжэньхай, Веньчжоу.
Ч. ҳудудида қадимда мань қабилалари 
яшаган. 4—6-а.ларда хитойлар кўчиб 
кела бошлаган. Ханчжоу 1127—79 
й.ларда Жан. Сун империяси пойтахти 
бўлган. 17-а.дан Хитой провинцияси.