O'zbekiston Milliy Ensiklopediyasi indd

ЧАНҒИ СПОРТИ — қишки спорт 
тури. Унга чанғи пойгаси, трамплиндан 
сакраш, икки кураш (пойга ва сакраш), 
тоғ чанғи спорти ва биатлон киради. 
Ч.с. Норвегияда спорт тури сифатида 
шаклланди. 1767 й.да шу мамлакат-
да ҳарбий хизматчилар ўртасида илк 
мусобақа ўтказилди, 1843 й.дан эса ом-
мавий мусобакалар ташкил килина бош-
лади. КейинроқЧ.с. Европанинг бошқа 
давлатларида ҳам оммалашди. 1910 й.да 
Халқаро чанғи спорти комиссияси тузид-
ди ва Ч.с.нинг қоидалари тасдикланди. 
Бу комиссия 1924 й.да Халқаро Ч.с. феде-
рацияси (FlS)ra айлантирилди. Ҳоз. кун-
да бу федерацияга 100 дан зиёд давлат 
(Ўзбекистон 1993 й.дан) аъзо (2004). Ч.с. 
1924 й.дан олимпиада ўйинлари дасту-
рига киритилди, 1925 й.дан (1937 й.дан 
икки йилда бир марта) жаҳон чемпиона-
ти ўтказилади. Ўзбекистонда 20-а.нинг 
70-й.ларидан бошлаб Ч.с.нинг, асосан, 
тог чанғи спорти турини ривожланти-
ришга киришидди. Республикада 300 дан 
зиёд киши Ч.с. билан шугулланади. 2 та 
Ч.с.га ихтисослашган спорт мактабида 17 
мураббий 196 нафар болаларўсмирларга 
Ч.с.дан сабоқ беришади (2004). Акасин-
гил Комил ва Элмира Ўринбоевалар, Вла-
димир Юнусов каби етакчи чанғичилар 
нуфузли мусобақаларнинг иштирокчила-
ридир.
ЧАП ҚЎЛ ҚОИДАСИ - қ. Ампер 
қоидаси.
ЧАПАНДОЗ (форс. — тескари, 
чапақай) — 1) ўзбек ва тожик мусиқасида 
3/4+3/8 такт ўлчовидаги мураккаб дойра 
усули. Талқин усулининг акси бўлиб (те-
скари ижро этилиши учун) шундай ном 
олган.
2) шу номли дойра усули жўрлигида 
ижро этиладиган мумтоз куй ва ашула-
лар. Кўпроқ ҳазажи мусаммани солим 
(мафоилунмафоилун...) вазнидаги газал-
лар билан ижро этилади. Ч.лар муайян 
куй ва ашуланинг Ч. усулига туширилган 
варианти бўлиб, асосий ашула йўли ва 
номи билан қўшиб аталади (маc, «Чапан-
дози Наво», «Чапандози Ироқ»). Ҳозирда 
Ч. усули ва куй йўллари талқинларидан 
деярли фарқ қилмайди.
ЧАПАР — дарахт новдаси ёки сим-
дан тўқилган қалқонсимон мудофаа во-
ситаси. Ўрта аерларда Темурийлар, Ўрта 
Осиё хонликлари ва Эрон қўшинларида 
қўлланишда бўлган. Кўпинча мудофаа 
иншоотлари ҳисобланмиш хандақ ҳамда 
мўржал (окоп) олдига ўрнатилган ва у 
аскарларни душман отган ўқ, тош ва 
б.дан ҳимоя қилиш учун мўлжалланган. 
Хива хонлиги қўшинида бундай мудофаа 
аслаҳаси чиб (жиб) деб номланган.