O'zbekiston Milliy Ensiklopediyasi indd

Ч И Л О Н Ж И Й Д А Д О Ш Л А Р 
(Rhumnaсеае) — чилонжийданамолар 
(Rhumnales) қабиласига мансуб оила. 60 
туркумга оид 900 га яқин тури бор. Ч. ер 
юзида жуда кенг тарқалган. Ўрта Осиёда 
табиий ҳолда 5 туркумга мансуб 8 тури, 
Ўзбекистонда эса 3 туркумга кирадиган 6 
тури ўсади. Ҳаётий шаклига кўра, бута ва 
паст бўйли дарахтлардан иборат. Баргла-
ри бутун, ён баргчали, гуллари тўғри, оқ 
ёки оч яшил. Бир ёки икки жинсли. Ко-
сачаси 4—5 бўлакли. Гултожибарглари 
4—5 та, чангчилари 4—5 та, устунчаси 
1 та, тугунчаси устки, меваси данакча. 
Ч.нинг чилонжийда туркуми мевасининг 
шифобахшлиги билан жуда қадрли. Халқ 

---

www.ziyouz.com кутубхонаси
97
табобатида қонни суюлтиришда ва қон 
босимини туширишда фойдаланилади.
ЧИЛОНЗОР ОҚТЕПАСИ - Тош-
кент нинг жан.ғарбий қисмида жойлаш-
ган археологик ёдгорлик (4—8-а.лар; 
10—11а.лар). Бўзсув анҳори бўйида. 
1940 й. А.И. Тереножкин кайд этган; 
1960 й. А.С.Шиллер ва Ю.Ф.Буряков, 
1969—71 й.да Тошкент археология экс-
педицияси текширган. Ч.О. бал. 15 м ли 
тепалик бўлиб, атрофида умумий майд. 
60x75 м2 келадиган қад. қишлоқ харо-
баси қолдиқлари жойлашган. Тепаликда 
олиб борилган қазишмалар натижаси-
да ундаги иморатлар мажмуаси устма-
уст хом ғишт ва пахсадан қурилганлиги 
аникланган. Вазифасига кўра, мажусий-
лик билан боғлиқ бўлган, композицияси 
жиҳатдан бирбиридан фарқ қиладиган 
бинолар 3 даврга мансублиги аниклан-
ган. 1даврда (4-а.) бино пахса пойдевор-
ни устига қурилган 4 минорали қасрдан 
иборат бўлган. Бино квадрати (13,5х 13 
м2) ички томондан гумбазли узунчоқ 3 
хонага ажратилган. 2даврда (5—6-а. лар) 
дастлабки иморат атрофига янгй хоналар 
ва ёрдамчи хўжалик хоналари қурилган, 
шинакли қўшимча қалъа девори билан 
мустаҳкамланган. 3давр (7—8-а.лар)да 
дастлабки иморат крлдиқлари тупроқ 
билан тўлғазилиб шиббаланиши нати-
жасида вужудга келган, 9 м ли тагкурси 
устига қурилган тепаси очиқ тўртбурчак 
(38x27 м2) ҳовли кўри н и шидаги ноёб 
бино бўлган. Қазишмалар натижасида 
ҳовли саҳнининг қалин қатламларидан 
органик қолдиқлар, Қовунчи II мадани-
яти (қ. Қовунчи маданияти)та хос сопол 
буюмлар, ёрғучоклар ва б., шунингдек, 
туркашларнинг 8-а.га оид тангаси ҳам 
топилган. Араб халифалиги истилосидан 
сўнг бино бир қанча вақт зардуштий-
ларнинг дафн этиш жойи бўлиб хизмат 
қилган, сўнгра харобага айланган. Кей-
инчалик (10— 11а.лар) хароба атрофида 
ҳаёт тикланиб кичик қишлоқ вужудга 
келган. Ҳозир Ч.О. атрофида замонавий 
иморатлар қад кўтарган.
ЧИЛПИШ, чеканка, декапитация — 
ўсимликни бўйига ўсишдан тўхтатиш, 
ҳосил тўплаш ва етилишини тезлатиш 
мақсадида ўсиш нуқтаси ёки ҳосил нов-
данинг учки қисмини олиб ташлаш; 
қўшимча агротехника тадбирларидан 
бири. Ч. шаклланаётган ҳосилга озиқ 
моддаларнинг етиб келишини кучайтира-
ди, уларнинг ривожланишига қулай ша-
роит яратади. Асосан, ғўза, ток, мевали 
дарахтлар, тамаки, канакунжут, помидор 
ва б. чилпилади. Ғўзани Ч.да унинг по-
яси ва ён шохлари учи олиб ташланади. 
Агротехник нуқтаи назардан ёруғлик 
ва иссиқлик режимини яхшилайди, 
кўсакларнинг ортиқча тўкилиб кетмасли-
гига, тупнинг ётиб қолмаслигига ёрдам 
беради, ҳосилдорликни 1—4% га оши-
ради. Толанинг етилишини ва чаноқнинг 
очилишини тезлаштиради. Одатда, Ч. 
ғўза ялпи кўсаклай бошлаган пайтда — 
ўрта толали ғўзада 14— 16, ингичка то-
лали ғўзада 20—22 ҳосил шохи шакллан-
ганда — июлнинг ўрталари — авг.нинг 
биринчи ўн кунлигида ўтказилади. Асо-
сий поя учи 4—6 см, ён шохлар учи 2—3 
см узунликда чилпиб ташланади. Ғўзани 
Ч. қўлда ёки махсус Ч. мосламалари, 
машиналарда ўтказилади. Токни Ч. нов-
даларининг пишишини тезлаштиради, 
уларда озиқ моддаларнинг тўпланишига 
ёрдам беради, қишга чидамлилигини 
оширади, етарли ёруглик, ҳаво, иссиқлик 
таъсирида ғужумлари йирик, рангдор 
ва ширали бўлади. Ч. суғориладиган 
ҳосилли токзорларда яхши самара бера-
ди. Токлар, биринчи марта шўра хомток-
да (1—2 см), асосан, иккинчи марта авг. 
нинг 2ўн кунлигида новдаларнинг ўсиш 
даври секинлашганда чилпилади, бунда 
новдалар учининг 1/3 — 1/4 қисми олиб 
ташланади. Сабзавотч и л и кда бодринг 
ва помидор (иссиқхоналарда авг.да экил-
ган помидор 7— 9 шохи устидан)ни Ч. 
ғовлашга йўл қўймай, ҳосил шох (палак)
ларини кўпайтиради. Баклажон, брюс-
сель карами, уруғликка экилган лавлаги 
ҳам чилпилади.

---

www.ziyouz.com кутубхонаси