O’zbekiston Jahon Tillari universititi 1 kurs talabasi Normamatov Dilshodbek O’zbekistonning eng yangi tarixi fani

3. Sud-huquq tizimida qanday islohotlar amalga oshirildi?

Men sud huquq tizimida amalga oshirilgan va oshirilayotgan bir nechta islohotlar bilan tanishib chiqdim, ular quyidagilar:

1) Sudya lavozimida bo‘lishning ilk marotaba besh yillik, keyin o‘n yillik muddatini va shundan so‘ng muddatsiz davrini belgilash.

2) Sudyalarni intizomiy javobgarlikka tortish mexanizmini, shu jumladan, uning asoslarini aniqlashtirish orqali takomillashtirish va sud raislarining sudyalarga nisbatan intizomiy ish qo‘zg‘atishga oid vakolatini tugatish.

3) O‘zbekiston Respublikasi Oliy sudiga adliya oranlarining umumiy yurisdiksiya sudlari faoliyatini moddiy-texnika jihatidan va moliyaviy ta’minlash sohasidagi vazifa va vakolatlarini, shuningdek, tegishli shtat birligini o‘tkazish.

4) Sud hokimiyati nufuziga va odil sudlovni amalga oshirish vazifalariga mos, qulay va xavfsizlik, shuningdek, moddiy-texnika jihatidan jihozlanish talablariga javob beradigan 2018 — 2021-yillar uchun mo‘ljallangan sudlarning namunaviy binolarini qurish dasturi loyihasini ishlab chiqish va kiritish.

5) Advokat vakolatlarini tergov va sud jarayonlarining barcha bosqichida kengaytirish, shu jumladan, advokat tomonidan ishni nazorat tartibida ko‘rib chiqish tashabbusi mexanizmlarini belgilash.

4. Mahalla boshqaruvini takomillashtirishda qanday o’zgarishlar amalga oshirildi?

2018-2020-yillarda fuqarolarning o‘zini o‘zi boshqarish organlari faoliyati samaradorligini yanada oshirish va rivojlantirish Dasturini ishlab chiqish.

Loyihada:

“Mahalla” jamg‘armasi tuzilmasi va faoliyatini yanada takomillashtirish;fuqarolarning o‘zini o‘zi boshqarish organlari vakolatlarini amalga oshirish mexanizmlarini tartibga solish;fuqarolarning o‘zini o‘zi boshqarish organlari moddiy-texnika bazasini yaxshilash nazarda tutiladi.

5. Harakatlar strategiyasining to’la bajarilishi qanday natijalarga olib keladi?

Harakatlar strategiyasining amalga oshirilishi O‘zbekiston Respublikasining mamlakatni isloh qilish va modernizatsiyalash, rivojlangan bozor iqtisodiyotiga asoslangan huquqiy demokratik davlat, kuchli fuqarolik jamiyati barpo etish, qonun ustuvorligini, xavfsizlik va huquq-tartibotni, davlat chegaralarining daxlsizligini, jamiyatda millatlararo totuvlik va diniy bag‘rikenglikni ta’minlash yo‘lidagi shaxdam harakatlariga yangi kuch bag‘ishlaydi.