O‘zbekiston davlat jahon tillari universiteti

Pedagogik texnologiya aspektlari. “Pedagogik texnologiya” tushunchasi uchta aspektlar bilan taqdim etilishi mumkin:
Ilmiy pedagogik texnologiya - o`qitishning maqsadi, mazmuni va metodlarini o`rganuvchi va ishlab chiquvchi, pedagogik jarayonlarni loyihalashtiruvchi pedagogika fanning bir qismidir.
Protsessual - ta'rifiy: jarayonni tasvirlash o`qitishning ko`zda tutilgan natijalariga erishish uchun vositalar va maqsad, metodlar to`plami.
Protsessual - amaliy: texnologik jarayonni amalga oshirilishi, hamma shax­siy, instrumental va metodologik pedagogik vositalarning ishga soli­nishi.
Shunday qilib, pedagogik texnologiya o`qitishning eng samarali yo`llarini izlovchi fan sifatida ham, o`qitishda qo`laniladigan usullar, prinsiplar va boshqaruvlar sistemasi sifatida ham, o`qitish haqiqiy jarayoni sifatida ham ishtirok etadi.
Pedagogik texnologiya aspektlariga misol tariqasida shularni keltirishimiz mumkin: maktabgacha ta’lim tashkilotlarida o’quv-tarbiyaviy jarayonni tashkil etish asosi bu – “Ilk qadam” Davlat dasturi. Ilmiy pedagogik texnologiyaga aynan misol tariqasida ushbu dasturni keltirish mumkin. “Ilk qadam” dasturi mazmunini bolalarga tizimli ravishda yetkazib berishda erkin ta’lim faoliyatini tashkil etish esa – protsessual ta’rifiyga misol bo’la oladi. Bunda faoliyat markazlari, ularning didaktik ta’minotini misol qilish mumkin. Ushbu markazlarda olib boriladigan ta’lim-tarbiya jarayoni, ya’ni, mashg’ulotlarning borishi – bu protsessual amaliy hisoblanadi.