O‘zbekiston davlat jahon tillari universiteti

DARSNING TURLARI VA TUZILISHI
Darsning quyidagi turlari mavjud:
1. Aralash (kombinatsion dars).
2. Yangi bilimlarni bayon qilish darsi.
3. O‘rganilganlarini takrorlash va mustahkamlash darsi.
4. O‘quvchilarning bilim, ko‘nikma va malakalarini nazorat qilish darsi.
5. Laboratoriya darslari.
6. Amaliy darslar.

1. Aralash darsning tuzilishi: a) tashkiliy qism; b) o‘tilgan mavzuni takrorlash (uy vazifasini tekshirish); d) yangi mavzuni bayon qilish; e)o‘rganilgan materialni mustahkamlash; f) o‘quvchilarni baholash; g) uy vazifasini berish.	2. Yangi bilimlarni bayon qilish darsining tuzilishi: a) tashkiliy qism; b) yangi mavzuni bayon qilish; d)o‘rganilgan materialni mustahkamlash; e) uy vazifasini berish.
3. O‘rganilganlarni takrorlash va mustahkamlash darsining tuzilishi: a) tashkiliy qism; b) o‘rganilgan mavzularga doir savol – javob o‘tkazish; v) o‘rganilgan mavzularga doir amaliy topshiriqlarni bajarish; g) o‘quvchilarni baholash.	4. O‘quvchilarning bilim, ko‘nikma va malakalarini nazorat qilish darsining tuzilishi: a) tashkiliy qism; b) o‘rganilganlarni umumiy tarzda takrorlash (yodga tushirish); v) nazorat ishini o‘tkazish; g) uy vazifasi (o‘rganilganlarni qayta takrorlash maqsadida).
5. Laboratoriya darslarining tuzilishi: a) tashkiliy qism; b) nazariy materiallarni mustahkamlash; v) laboratoriya ishini o‘tkazish; g) o‘quvchilarni baholash; d) uy vazifasi.	6. Amaliy darslarning tuzilishi: a) tashkiliy qism; b) nazariy materiallarni mustahkamlash; v) amaliy ish topshiriqlarini bajarish; g) o‘quvchilarni baholash; d) uy vazifasi.

Boshlang‘ich sinflarda o‘quvchilar yoshini hisobga olib o‘quv ishlari turli xillaridan foydalanish, yangi bilimlarni berishni avval o‘rganilganni mustahkamlash, takrorlash bilan birga olib borishga to‘g‘ri keladi. Hatto tekshirish darslari ham og‘zaki yetkazish, qiziqarli hikoyani o‘qish kabi boshqa ish turlarini o‘z ichiga oladi. Darsning aynan mana shu turi aralash (kombinatsiyalashgan) yoki murakkab tuzilishli deb ataladi. Kombinatsiyalashgan darsning taxminiy tuzilishi: uy vazifalarini tekshirish va savol – javob, yangi materialni o‘rganish, o‘zlashtirishni dastlabki tekshirish, mashq, misollarni bilan bajarish davomida yangi bilimlarini mustahkamlash, ilgari o‘rganilganlarni suhbat ko‘rinishida takrorlash, bilimlarni tekshirish va baholash, uyga vazifa berish.