O`zbekiston aloqa va axborotlashtirish agentligi tos

O`ZBEKISTON ALOQA VA AXBOROTLAShTIRISh AGENTLIGI

TOShKENT AXBOROT TEXOLOGIYALARI UNIVERSITETI
“Informatika va KG” kafedrasi


INFORMATIKA
fani bo`yicha C++ dasturlash tilidan amaliy va laboratoriya ishlarini bajarish uchun o`quv – uslubiy qo`llanma
( Barcha yo`nalish talabalari uchun )
1 - qism

Toshkent 2010

Kirish
Ma`lumki, dastur mashina kodlarini tartiblangan ketma-ketligi bo`lib, aniq bir hisoblash vositasini amal qilishini boshqaradi. Dastur malumotini yaratish jarayonini osonlashtirish uchun juda ko`p dasturlash tillari yaratilgan. Barcha dasturlash tillarini ikki toifaga bo`lish mumkin:

• 
  Quyi darajadagi dasturlash tillari;
  
• 
  Yuqori darajadagi dasturlash tillari;
  

Quyi darajadagi dasturlash tillariga Assembler dasturiy til kiradi. Ushbu til nisbatan qisqa va tezkor bajariluvchi kodlarni yaratish imkonini beradi. Ammo ushbu dasturlash tilida dastur tuzish murakkab, nisbatan davom etadigan jarayondir.

Yuqori darajadagi dasturlash tillarida esa tabiiy tillarni cheklangan ko`rinishidan foydalangan holda dastur tuziladi. Yuqori bosqich tillaridagi operatorlar berilganlarning turlari, o`zgaruvchilar va dastur yozishning turli usullari tilning ifodalash imkoniyatini oshiradi va dasturni “o`qimishli” bo`lishini ta’minlaydi.

Hozirda keng tarqalgan tillar OBJEKT PASKAL, C++, C#, PhP, JAVA va boshqa tillar hisoblanadi.

1980 yilda Byarn Straustrop S tilining avlodi bo`lmish C++ tilini yaratdiki, unda strukturalari va ob’ektga yo`naltirilgan dasturlash texnologiyasiga tayangan xolda dastur yaratish imkoni tug`ildi.